Z pačatku poŭnamaštabnaha rasijskaha vajennaha ŭvarvańnia va Ukrainu ŭ lutym 2022 hoda, z čaho prajšła amal roŭna try hady, zabita bolš za 12 654 cyvilnyja asoby, u tym liku dziaciej. Jašče bolš za 29 392 čałavieki ź liku mirnaha nasielnictva atrymali traŭmy i paškodžańni.
Hetyja danyja abviaściła ŭ piatnicu, 21 lutaha, Daniel Bieł — kiraŭnik misii AAN pa manitorynhu pravoŭ čałavieka va Ukrainie, stvoranaj u 2014 hodzie, piša Deutsche Welle.
Pa jaje słovach, Rasija niasie adkaznaść za ciažkija złačynstvy, źviazanyja z parušeńniem pravoŭ čałavieka ŭ vajnie suprać Ukrainy. 84% achviar, zafiksavanych u jaje statystycy, žyli na terytoryi, jakaja znachodziłasia pad kantrolem ŭrada Ukrainy, a 16% — na akupavanych Rasijaj terytoryjach.
Adnak sapraŭdnaja kolkaść cyvilnych asob, jakija zahinuli paśla pačatku ŭvarvańnia RF va Ukrainu, vyšej za aficyjnyja danyja, adznačyła Bieł.
U 2024 hodzie lik achviar siarod mirnaha nasielnictva akazaŭsia na 30% vyšej, čym zafiksavana ŭ 2023 hodzie, vynikaje z dakłada. U misii AAN pa manitorynhu pravoŭ čałavieka va Ukrainie takuju dynamiku źviazvajuć z uzmacnieńniem bajavych dziejańniaŭ, bolš aktyŭnym vykarystańniem Rasijaj avijabombaŭ, bieśpiłotnikaŭ małoj dalokaści i dalnabojnych rakiet.
Naziemnyja mini i reštki bajavych snariadaŭ znachodziacca na terytoryi Ukrainy płoščaj 139 000 kvadratnych kiłamietraŭ, padličyli ŭ AAN. «Jany ŭjaŭlajuć surjoznuju pahrozu dla cyvilnaha nasielnictva», — papiaredziła Daniel Bieł.
U siaredzinie lutaha prezident Ukrainy Uładzimir Zialenski nazvaŭ kolkaść ukrainskich vajskoŭcaŭ, jakija zahinuli na vajnie.
«U nas jość zafiksavanaja kolkaść achviar — bolš za 46 tysiač zahinułych vajskoŭcaŭ. Jašče jość dziasiatki tysiač tych, chto źnik bieź viestak abo znachodzicca ŭ pałonie. I vy dakładna nie viedajecie, bo źnikłyja bieź viestak mohuć być miortvymi, a mohuć znachodzicca ŭ pałonie», — skazaŭ jon.
Zialenski taksama paviedamiŭ, što kala 19,5 tysiačy ŭkrainskich dziaciej byli departavanyja ŭ Rasiju.
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary