«A jość śpiecyjalnaść «Hala, admiena»?» Tyktok žartuje z taho, jak u Śmiłavickim kaledžy vučać pradaŭcoŭ
Nastaŭnica sa Śmiłavickaha kaledža pakazała, jak u ich vučać na pradaŭcoŭ. Videa sabrała ŭžo kala dvuch miljonaŭ prahladaŭ.
U Śmiłavickim kaledžy adna z vučebnych aŭdytoryj abstalavana jak vučebnaja krama: jość pryłaŭki z tavarami, sapraŭdnaja kasa i košyki dla tych vučniaŭ, jakija na zaniatku vykonvajuć rolu pakupnikoŭ.
Pakul nastaŭnica raspaviadaje, jak jany vučać pradaŭcoŭ i kantraloraŭ-kasiraŭ 4 razradu, dziaŭčaty sumna hulajuć u kasirku i pakupnicu. Adna kładzie pustyja skrynki z-pad soku, druhaja ich prabivaje na kasie.
Za sutki videa nabrała 1,8 miljona prahladaŭ i bolš za 65 tysiač łajkaŭ. A ŭ kamientaryjach, zdajecca, sabralisia stendapiery-pačatkoŭcy, kab prateściravać žarty: «Dyk ich vučać z takim niezadavolenym tvaram siadzieć na kasie? Ja dumała, heta z časam źjaŭlajecca», «U mianie ŭ sadočku takaja krama była, tam usie viedy i atrymała».
Niechta adznačyŭ, što simulatar drenny, bo pakupniki pavinny aburacca tym, što ceny ŭ zale i na kasie nie supadajuć i pahražać napisać skarhu. A chtości aburyŭsia, što navat u kaledžy pracuje ŭsiaho adna kasa.
U kamientaryjach ludzi dzialilisia ŭłasnym dośviedam i pisali, što kali pryjšłosia niekatory čas padpracoŭvać u kramie, dyk na miescy ŭsiamu navučyli za niekalki dzion. A kahości i ŭvohule ŭ pieršy pracoŭny dzień za kasu pasadzili.
Niechta cikaviŭsia, ci moža ličyć siabie kvalifikavanym kasiram, kali sam zaŭsiody prabivaje tavary na kasie samaabsłuhoŭvańnia.
Adzin z kamientataraŭ paspačuvaŭ dziaŭčatam: «Vučycca try hady dziela zarpłaty 1000 rubloŭ, a ŭ sielskaj kramie — 500 rubloŭ. Biez mahčymaści karjernaha rostu i raźvićcia. Kali stać zvarščykam i prapracavać 20 hadoŭ, dyk zarobki buduć u niekalki razoŭ bolšyja, a tut…». Była i parada kaledžu pačać vučyć nie na kasiraŭ, a na krupje, bo ŭ kazino zarablajuć značna bolš.
Šmat chto byŭ ździŭleny, što takoj pracy treba niedzie vučycca i atrymlivać dypłom. Niechta z nadziejaj udakładniaŭ, ci nie štučny intelekt stvaryŭ hety rolik dla tyktoku.
Samy papularny kamientaryj taki: «A jość śpiecyjalnaść «Hala, admiena»?». Druhi ž žartaŭnik adkazaŭ mužčynu: «Nie, heta ŭžo mahistratura».
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary
Ci uvohule, dziaŭčaty, źbiahajcie da nas, u Eŭropu. Ja, kali zachodžu, naprykład u Tesco, tam amal usie kasirki z Ukrainy, i ja nie dumaju, što jany skončyli Śmiłavicki kaledž.