Paźniak: U 1990-ja nie było zroblena ni adnoj, ni najmienšaj pamyłki
Lidar ruchu «Volnaja Biełaruś» i kandydat u prezidenty — 1994 daŭ acenku svajoj palityčnaj dziejnaści.
U čas intervju Radyjo Svaboda ŭ lidara ruchu «Volnaja Biełaruś» Zianona Paźniaka adzin sa słuchačoŭ pacikaviŭsia, jakija svaje palityčnyja pamyłki jon moža nazvać ci pryznać.
«Što datyčyć dziejańniaŭ, jakija źviazanyja z vynikami ŭ palitycy, asabliva ŭ 1990-ja hady, nie było zroblena ni adnoj, ni najmienšaj pamyłki. Heta byŭ, jak kažuć, šlach pa vastryni laza. Kali b my zrabili niejkuju adnu pamyłku, my b nie mieli ni niezaležnaści, ni bieł-čyrvona-biełaha ściaha, ni biełaruskaj movy, ni zakanadaŭstva pa Čarnobylu. A heta atrymałasia», —
adkazaŭ Paźniak i dadaŭ:
«Ja ŭdziačny Bohu, što ŭdałosia toje, čaho faktyčna ŭ historyi niama. Bo nie było ŭ historyi takoha vypadku, kab 27 čałaviek pieramahli 345 kamunistaŭ i ichnymi hałasami likvidavali Kamunistyčnuju partyju. U hetaj situacyi damahlisia niezaležnaści. Nie było ŭ historyi takich. Nam heta ŭdałosia. Ja liču, heta dziakavać Bohu tolki».
Paźniak zaŭvažyŭ, što takoha typu pytańni pra pamyłki jon čuje ŭvieś čas. «Jany zychodziać ad hebe, ja heta viedaju cudoŭna», — śćviardžaje palityk.
«Nijakich pamyłak u važnych histaryčnych palityčnych aśpiektach, jakija pryviali da važnych źmienaŭ u našaj dziaržavie, u našaj palitycy, zroblena nie było. I heta hałoŭnaje», —
vykazaŭ ćviorduju ŭpeŭnienaść Paźniak i dadaŭ:
«A ŭ žyćci, spatykajučysia z roznymi palitykami, nu robiš pamyłki, kaniečnie. Na ich treba vučycca».
Paźniak pra 1990-ja: «Nichto nie zrabiŭ bolšaj škody dla nacyjanalnych intaresaŭ Biełarusi, čym heta istota». Pra kaho jon?
Paźniak vitaje mahčymuju ździełku «vyzvaleńnie palitviaźniaŭ» u abmien na sankcyi
Paźniak zaklikaje Zachad dziela vyzvaleńnia palitviaźniaŭ pačać pieramovy z «hetym varvarskim režymam»
Ciapier čytajuć
Žonka Statkieviča raskazała, pra što paśpieła parazmaŭlać ź im16
Kamientary