Kamiery ŭ rasijskim Pieciarburhu naładziać na raspaznavańnie etnasu
Ułady Pieciarburha naładziać haradskija kamiery na raspaznavańnie etničnaj prynaležnaści, kab sačyć za mihrantami. Pra heta zajaviŭ kiraŭnik kamiteta pa mižnacyjanalnych adnosinach Pieciarburhskaj administracyi Aleh Kapitanaŭ, pieradaje «Kamiersant».
Pa słovach Kapitanava, novy funkcyjanał dapamoža ŭ baraćbie z «farmiravańniem etničnych ankłavaŭ» i dazvolić prymać»previentyŭnyja miery pa niedapuščeńni sacyjalnaj napružanaści ŭ rehijonie».
Čynoŭnik rastłumačyŭ, što jaho kamitet užo zaklučyŭ kantrakt» na zakupku licenzii dla raspaznańnia etničnaj prynaležnaści asob « — dla nałady vaśmi tysiač kamier. Suma kantraktu pieravyšaje 38 miljonaŭ rasijskich rubloŭ (420 tysiač dalaraŭ).
U prezidenckim Saviecie pa pravach čałavieka (SPČ) raskrytykavali rašeńnie pieciarburhskich uładaŭ, nazvaŭšy jaho prynižajučym čałaviečuju hodnaść. «U Rasiei navat u pašparcie nacyjanalnaść nie pakazvajuć. I raptam niejkija telekamiery buduć vyznačać, jaki čałaviek nacyjanalnaj prynaležnaści», — skazaŭ kiraŭnik SPČ Valeryj Fadziejeŭ.
Paśla teraktu ŭ «Krokus Sici chole» ŭ Maskvie, u jakim abvinavacili hramadzian Tadžykistana, u Rasiei abvastrylisia ksienafobskija nastroi ŭ dačynieńni da mihrantaŭ.
U roznych rehijonach krainy pravaachoŭniki pačali pravodzić abłavy pa miescach ich pražyvańnia i pracy. U niekatorych vypadkach mihrantaŭ stavili na ŭlik u vajenkamat.
Ciapier čytajuć
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta5
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary