Vydaviec Raman Cymbieraŭ abviaściŭ papiaredniuju padpisku na knihu apaviadańniaŭ «Cichmianaść ajca Braŭna» anhielskaha piśmieńnika, paeta, fiłosafa i chryścijanskaha dziejača Hiłbierta Kita Čestertana ŭ pierakładzie na biełaruskuju movu, paviedamlaje bellit.info.
Pierakład z anhielskaj ździejśniŭ piśmieńnik i pierakładčyk Uładzimir Bruj, taksama jon napisaŭ pradmovu da vydańnia, jakoje raskazvaje pra katalickaha śviatara ŭ Anhlii, jaki rasśleduje złačynstvy.
«U zbornik uvajšli najbolš papularnyja apaviadańni anhlijskaha kłasika H.K. Čestertana, u jakich tema spradviečnaha zmahańnia pamiž dabrom i złom raskryvajecca na prykładzie šmathadovaha supraćstajańnia pamiž śviatarom Braŭnam i suśvietna viadomym złačyncam pa proźvišču Fłambo. Bliskučy talent aŭtara, bahaćcie movy, nievyčerpnaja vydumka ŭ pabudovie detektyŭnych siužetaŭ pa-svojmu vyrašajuć spradviečnuju zadaču litaratury: abviaścić čałavieka najvialikšaj kaštoŭnaściu Suśvietu i vieru ŭ Boha najmahutniejšaj siłaj dabra», — havorycca ŭ anatacyi na sajcie Kniger.by, praź jaki ŭłasna možna zamović knihu.
Apłata knihi pa ARIP abo najaŭnymi ŭ kramie vydaviectva. Pry zamovie i apłacie da vychadu košt knihi składaje 30 rubloŭ.
Kamientary