Bieły dom: Iłan Mask nie pracuje ŭ Departamiencie pa pytańniach efiektyŭnaści dziaržaparatu
U Biełym domie zajavili, što amierykanski miljarder Iłan Mask, jaki nibyta pavinien byŭ uznačalić znoŭ stvorany Departamient pa pytańniach efiektyŭnaści dziaržaparatu (DOGE), na samaj spravie nie pracuje tam. Pra heta paviedamlaje ahienctva Bloomberg sa spasyłkaj na słovy dyrektara administracyjnaha ŭpraŭleńnia Biełaha doma Džošua Fišara, piša «Jeŭrapiejskaja praŭda».
Pa słovach Fišara, Mask nie pracuje na DOGE, a zajmaje pasadu staršaha daradcy amierykanskaha prezidenta Donalda Trampa i «maje nie bolš paŭnamoctvaŭ, čym inšyja staršyja daradcy Biełaha doma».
Ahienctva zajaviła, što heta adroźnieńnie maje jurydyčnyja i praktyčnyja nastupstvy. Jak niepasredny daradca prezidenta ŭ ofisie Biełaha doma, parady Maska, vierahodna, buduć abaronienyja pryvilejami vykanaŭčaj ułady. U adroźnieńnie ad administracyjna-biudžetnaha kiravańnia, častki ofisa prezidenta, dzie znachodzicca DOGE, ofis Biełaha doma nie traplaje pad dziejańnie zakona ab svabodzie infarmacyi.
Jak paviedamlajecca, apisańnie roli Maska źjaviłasia ŭ zajavie pad prysiahaj, padadzienaj uradam pa spravie, zaviedzienaj na minułym tydni štatam Ńju-Mieksika i 13 inšymi hienieralnymi prakurorami-demakratami, u jakim śćviardžajecca, što Mask pieravysiŭ svaje paŭnamoctvy, pakolki Sienat jaho nie zaćviardžaŭ.
«Mask nie maje ni faktyčnych, ni farmalnych paŭnamoctvaŭ samastojna prymać uradavyja rašeńni. Mask moža tolki kansultavać prezidenta i pieradavać dyrektyvy prezidenta», — zajaviŭ Džošua Fišar.
Varta adznačyć, što 4 lutaha Mask aficyjna pačaŭ pracavać pad kiraŭnictvam Trampa jak śpiecyjalny dziaržaŭny słužačy. 3 lutaha amierykanski prezident paćvierdziŭ, što Mask maje dostup da krytyčna važnaj apłatnaj sistemy Ministerstva finansaŭ, jakaja pieravodzić hrošy ad imia ŭsiaho fiederalnaha ŭrada. U toj ža dzień fiederalnyja prafsajuzy i inšyja arhanizacyi padali ŭ sud na Ministerstva finansaŭ z-za hetaha dostupu.
Tramp taksama zapeŭniŭ, što Mask nie budzie dziejničać biez uzhadnieńnia ź jaho administracyjaj.
Ciapier čytajuć
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ79
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary