Iłan Mask: ZŠA zbankrutujuć biez skaračeńniaŭ biudžetu

Miljarder Iłan Mask, jakoha prezident Donald Tramp pryznačyŭ kiravać namahańniami svajoj administracyi pa skaračeńni vydatkaŭ, zajaviŭ u aŭtorak, što ZŠA «zbankrutujuć» biez skaračeńniaŭ biudžetu, piša «Hołas Amieryki».

Mask skazaŭ heta žurnalistam u Avalnym kabiniecie Biełaha doma, kudy jaho zaprasiŭ prezident ZŠA Donald Tramp. U apošnija tydni prezident vydaŭ šerah rasparadžeńniaŭ, nakiravanych na skaračeńnie fiederalnych vydatkaŭ.

Mask kiruje namahańniami administracyi ZŠA ŭ ramkach niadaŭna stvoranaha Departamienta efiektyŭnaści dziaržaŭnaha kiravańnia (DOGE).

U pryvatnaści, Mask zhadaŭ deficyt biudžetu krainy, jaki pieravysiŭ 1, 8 tryljona dalaraŭ u minułym finansavym hodzie, i pakazaŭ na vysokija płaciažy pa pracentach pa absłuhoŭvańni dziaržaŭnaha doŭhu.

«Heta nie adna z opcyj, jakaja jość u Vašynhtona, — skaracić fiederalnyja vydatki, — skazaŭ jon žurnalistam. — Heta stała nieabchodnaściu».

Hetyja słovy Iłana Maska prahučali na fonie taho, jak administracyja Trampa sutyknułasia z rašeńniami šerahu fiederalnych sudździaŭ ZŠA, jakija pastavili pad sumnieŭ zakonnaść mier Biełaha doma pa skaračeńni vydatkaŭ.

Maštabnyja płany Trampa, jakija amal pryviali da zakryćcia niekalkich fiederalnych ahienctvaŭ, u vyniku čaho mnohija ich supracoŭniki apynulisia pierad pahrozaj mahčymaha skaračeńnia, spravakavali jurydyčnyja batalii ŭ krainie.

Tym časam kamanda Iłana Maska praciahvaje praviarać fiederalnyja ahienctvy, zamaroziŭšy finansavańnie mnohich prahram i nastajaŭšy na skaračeńni piersanału.

Na frazu pra toje, što niekatoryja z krytykaŭ ličać, što Mask arhanizavaŭ zachop urada, miljarder adkazaŭ, što «amierykancy prahałasavali na vybarach prezidenta, Pałaty pradstaŭnikoŭ i Sienata za bujnuju reformu ŭrada», za pytańnie, pra jakoje Tramp kazaŭ na kožnym mitynhu.

Mask, jaki taksama ŭznačalvaje SpaceX i Tesla, na pytańnie ab mahčymym kanflikcie intaresaŭ pamiž jaho kampanijami, jakija atrymlivajuć abaronnyja zakazy, i jaho dziejnaściu ŭ administracyi Trampa, adkazaŭ, što jon «imkniecca być maksimalna prazrystym u svajoj pracy» i adkryty dla krytyki.

Dziejnaść kamandy z DOGE vyklikała tryvohu siarod šerahu čynoŭnikaŭ, pakolki jany atrymali dostup praź Ministerstva finansaŭ ZŠA da kanfidencyjnych danych hramadzian ZŠA.

• 2
• 1
• 1
• 6
• 1
• 0
• 1
• 0