Brytanski chirurh i były paralimpijec Džon MakFoł byŭ aficyjna pryznany prydatnym da palotu na MKS paśla šmatnacyjanalnaj miedycynskaj ekśpiertyzy. Takoje adbudziecca ŭpieršyniu ŭ historyi.
Jeŭrapiejskaje kaśmičnaje ahienctva (JEKA) upieršyniu ŭ historyi siertyfikavała astranaŭta ź fizičnaj invalidnaściu dla praciahłych misij na Mižnarodnuju kaśmičnuju stancyju (MKS), pieradaje partał SpaceNews.
Džon MakFoł — brytanski chirurh i były paralimpijec, jaki z 2022 hoda ŭvachodzić u reziervovy skład astranaŭtaŭ JEKA. Mužčyna straciŭ pravuju nahu ŭ vyniku matacykletnaj avaryi ŭ 19 hadoŭ i z tych časoŭ vykarystoŭvaje pratez, ale heta nie pieraškodziła jamu paśpiachova prajści šmatnacyjanalnaje miedycynskaje daśledavańnie ŭ ramkach inicyjatyvy «Fly!», jakoje analizavała ŭsie mahčymyja pieraškody dla patencyjalnaj pracy Makfoła na MKS.
Daśledavańnie «Fly!» razhladzieła bolš za 80 aśpiektaŭ, źviazanych z padrychtoŭkaj astranaŭtaŭ, apieracyjami na MKS, miedycynskimi patrabavańniami i padtrymkaj ekipaža. Pavodle inicyjataraŭ daśledavańnia, hałoŭnaj ciažkaściu byli nie techničnyja barjery, a ŭsprymańnie z boku hramadskaści i prafiesijnaj supolnaści.
«Ludzi časta majuć peŭnyja stereatypy nakont taho, na što zdolnyja asoby ź fizičnymi abmiežavańniami, i nam daviałosia znoŭ i znoŭ tłumačyć i dakazvać, što takija astranaŭty vartyja ŭvahi», — padzialilisia supracoŭniki JEKA, adkaznyja za prahramu «Fly!».
Kiraŭnik adździeła piłatujemych prahram JEKA Daniel Nojnšvander, u svaju čarhu, adznačyŭ, što nie varta niedaaceńvać składanaść pracedur biaśpieki, źviazanych ź dziejnaściu na Mižnarodnaj kaśmičnaj stancyi, adnak pry hetym Džon MakFoł «zdoleŭ jaho ździvić».
«Ščyra kažučy, ja čakaŭ, što buduć surjoznyja pieraškody, jakija mohuć spynić praces siertyfikacyi Makfoła, ale ja vielmi rady bačyć, što ŭsie vykliki pieraadoleny. Heta nievierahodny krok napierad u našym imknieńni pašyryć dostup čałaviectva da kosmasu», — adznačyŭ kiraŭnik adździeła piłatujemych prahram JEKA Daniel Nojnšvander.
Niahledziačy na siertyfikacyju, JEKA pakul nie pryznačyła MakFoła na kankretnuju misiju. Pry hetym razhladajecca mahčymaść udziełu MakFoła ŭ pryvatnaj kaśmičnaj misii, jakaja raspracoŭvajecca Vialikabrytanijaj i kampanijaj Axiom Space. U kastryčniku 2023 hoda Brytanskaje kaśmičnaje ahienctva padpisała miemarandum z Axiom ab mahčymym zapusku misii z udziełam tolki brytanskich astranaŭtaŭ, i Džon MakFoł paviedamiŭ, što moža pryniać u joj udzieł.
«Heta vielmi cikavaja pierśpiektyva», — zajaviŭ MakFoł.
Hierainia Biełarusi ci zvyčajnaja kaśmičnaja turystka? Niuansy palotu ŭ kosmas Maryny Vasileŭskaj
Prapahanda kazała, što Polšča zajzdrościć Biełarusi, bo ŭ jaje niama kasmanaŭta. Chutka budzie, i heta sapraŭdny navukoviec
Hety čałaviek staŭ pieršym u historyi kasmanaŭtam, jaki pravioŭ na arbicie bolš za 1000 sutak
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary