U Biełarusi zatrymali armianskuju błohierku Bełu (Rozu Babachanian), paviedamiŭ u svaim fejsbuku błohier Alaksandr Łapšyn sa spasyłkaj na krynicy ŭ pasolstvie Biełarusi ŭ Jerevanie
«Siabry, jak mnie paviedamili nieaficyjnyja krynicy ŭ Pasolstvie Respubliki Biełaruś u Armienii, armianskuju błohierku Bełu aryštavali ŭ Biełarusi na 15 sutak i dalej mieru strymańnia budzie vyznačać sud. U dadzieny momant jana znachodzicca ŭ turmie. U jaje dva hramadzianstvy, Armienii i Biełarusi», — napisaŭ jon.
Pavodle jaho, Rozu Babachanian abvinavačvajuć jaje pa nastupnych artykułach Kryminalnaha kodeksa Respubliki Biełaruś:
- Artykuł 130 — raspalvańnie rasavaj, nacyjanalnaj, relihijnaj albo inšaj sacyjalnaj varožaści abo varožaści.
- Artykuł 123 — prapahanda vajny
- Artykuł 188 — paklop
- Artykuł 369 — abraza pradstaŭnika ŭłady
- Artykuł 186 — pahroza zabojstvam, pryčynieńniem ciažkich cialesnych paškodžańniaŭ
«Abvinavačvańni, nakolki ja zrazumieŭ, joj užo pradjaŭlenyja, ale aficyjnaj zajavy ni MUS Biełarusi, ni MZS Biełarusi jašče nie zrabili», — dadaŭ jon.
Nahadajem. što Alaksandr Łapšyn pravioŭ niejki čas u biełaruskaj turmie, jaho zatrymlivali na zapyt Baku.
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča17
Kamientary