«Zakazčyka viedaje ŭvieś śviet, ale my chočam, kab daviedalisia i vykanaŭcaŭ». Ludmiła Navalnaja — pra hibiel syna
Maci palityka Alaksieja Navalnaha paśla panichidy na Barysaŭskich mohiłkach u Maskvie padziakavała ŭsim, chto nie zabyvaje pra jaje syna, i skazała śmiełyja słovy.
«Ja ŭpeŭniena, što kali-niebudź praŭda pieramoža. Zakazčyka viedaje ŭvieś śviet, ale my chočam, kab daviedalisia i vykanaŭcaŭ — i tych, chto spryjaŭ hetamu, i tych, chto ździejśniŭ», — skazała Ludmiła Navalnaja.
Jana taksama padziakavała ŭsim, chto pamiataje pra jaje syna.
«Dziakuj i vielizarny nizki pakłon usim, chto prychodzić siudy, usim, chto dapamahaŭ mnie, kali ja była ŭ Salechardzie, usim, chto hety hod pamiataje Alaksieja, prychodzić siudy. Nizki pakłon i dziakuj», — skazała Ludmiła Navalnaja.
Siońnia — hadavina śmierci zahinułaha ŭ rasijskaj turmie apazicyjnaha palityka Alaksieja Navalnaha. Ludzi niasuć kvietki da mahiły palityka ŭ Maskvie i pomnikaŭ achviar palityčnych represij u haradach Rasii.
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary