Minski turapieratar prapanuje biełarusam ekskursii pa Pchieńjanie, naviedvańnie miascovych słavutaściaŭ i viačery ŭ restaranach paŭnočnakarejskaj kuchni, zaŭvažyŭ prapanovu Onliner.
Pieršy tur pad nazvaj «Žamčužnyja karali Paŭnočnaj Karei» startuje 17 sakavika.
Za vosiem dzion padarožnikam abiacajuć pakazać architekturu Pchieńjana, ahladnyja placoŭki, stadyjon, spartyŭnuju arenu i navat dźvie stancyi miascovaha mietro — «Adradžeńnie» i «Słava».
Pry hetym turapieratar nie raskryvaje padrabiaznaściej ab strohich praviłach znachodžańnia ŭ krainie. Turysty pavinny ŭličvać, što ŭ Paŭnočnaj Karei pieramiaščeńnie mahčymaje tolki ŭ supravadžeńni aficyjnych hidaŭ, a mabilnaja suviaź i internet praktyčna niedastupnyja. Mižnarodnyja bankaŭskija karty ŭ krainie nie prymajucca. Akramia taho, na miažy dziejničaje žorstki kantrol za pradmietami, jakija ŭvoziacca.
«Paŭnočnaja Kareja źjaŭlajecca adnoj z samych biaśpiečnych krain dla turystaŭ, pa dadzienych AAN», — zapeŭnivaje turapieratar.
Košt pajezdki składzie 1610 dołaraŭ pry dvuchmiesnym raźmiaščeńni i 2075 dołaraŭ za indyvidualny numar.
Jašče adzin piacidzionny tur zapłanavany na krasavik, a ŭ vieraśni adbudziecca pajezdka, prymierkavanaja da Dnia zasnavańnia KNDR.
Jaje ŭdzielniki zmohuć naviedać śviatočny kancert, a za prahramu praciahłaściu vosiem dzion daviadziecca zapłacić 1529 dołaraŭ.
U košt pajezdki nie ŭvachodzić pieralot da Uładzivastoka, adkul turystam treba dabiracca ŭ KNDR rejsami Air Koryo.
-
Uładalnik kramy Kropka ŭ Vilni raskazvaje, jak raźvivajecca jaho biznes i ci znajšli tych, chto raźbiŭ im vokny
-
Rasijanka pierajechała ŭ viosku pad Oršaj i ździŭlena biełaruskim standartam. «Tut pastajanna jość śviatło»
-
Volha Takarčuk padzialiłasia dramatyčnymi padrabiaznaściami svaich uciokaŭ ź Biełarusi
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary