Pieramovy ab miry va Ukrainie z kamandaj Donalda Trampa buduć vieści pamočnik prezidenta pa źniešniaj palitycy Juryj Ušakoŭ, dyrektar Słužby źniešniaj raźviedki Siarhiej Naryškin i kiraŭnik Rasijskaha fondu pramych inviestycyj Kirył Dźmitryjeŭ, jaki žanaty ź siabroŭkaj małodšaj dački Uładzimira Pucina. Pra heta piša Bloomberg sa spasyłkaj na svaje krynicy.
Ahienctva Bloomberg nazyvaje pieramoŭščykaŭ, jakich nibyta źbiraje Uładzimir Pucin, «kamandaj ciažkavahavikoŭ z šmathadovym vopytam viadzieńnia pieramoŭ».
Juryj Ušakoŭ byŭ pastajannym pradstaŭnikom Rasii pry ABSIE ŭ 1996-1998 hadach, a z 1998 pa 2008 hod — pasłom u ZŠA. Z 2008 pa 2012 hod jon zajmaŭ pasadu namieśnika kiraŭnika aparata ŭrada, a z 2012 hoda — pamočnik Pucina pa źniešniaj palitycy. Jon udzielničaŭ u pieramovach z Ukrainaj u 2022 hodzie.
Siarhiej Naryškin — daŭni znajomy Pucina, jaki paznajomiŭsia ź ciapierašnim rasijskim prezidentam u 1980 hodzie ŭ Leninhradskim upraŭleńni KDB. Z 2016 hoda jon uznačalvaje Słužbu źniešniaj raźviedki i taksama ŭdzielničaŭ u pieramovach z Ukrainaj u 2022 hodzie.
Kirył Dźmitryjeŭ uznačalvaje Rasijski fond pramych inviestycyj (RFPI) i ŭvachodzić u praŭleńnie «Inapraktyki», jakuju ŭznačalvaje małodšaja dačka Pucina Kaciaryna Cichanava. Jon žanaty ź siabroŭkaj Cichanavaj Natallaj Papovaj, hetaje siabroŭstva zrabiła jaho ŭpłyvovym u Kramli, pisała Financial Times.
Dźmitryjeŭ, jak pisaŭ Reuters sa spasyłkaj na krynicy, udzielničaŭ u pieramovach ab vyzvaleńni asudžanaha ŭ Rasii i vydadzienaha na hetym tydni ZŠA amierykanskaha nastaŭnika Marka Fohiela.
Pa słovach surazmoŭcy Bloomberg, inšyja ŭdzielniki pieramoŭnaj hrupy 2022 hoda mohuć dałučycca da novych pieramoŭ paźniej. Jany buduć u asnoŭnym dapamahać u pieramovach z pradstaŭnikami Ukrainy, siarod ich moža być pamočnik prezidenta Rasii Uładzimir Miadzinski, skazała krynica.
13 lutaha Donald Tramp zajaviŭ pra nieadkładny pačatak pieramoŭ ab miry va Ukrainie. Paźniej jon udakładniŭ, što na nastupnym tydni ŭ Saudaŭskaj Aravii zapłanavanaja sustreča pradstaŭnikoŭ ZŠA, Rasii i Ukrainy.
Vice-prezident ZŠA: Va Ukrainu mohuć uvieści amierykanskija vojski, kali Maskva budzie zryvać pieramovy
Kiraŭnik Pientahona: Pryniać realnaść — nie značyć iści na sastupki Pucinu
Prezident Litvy: Nijakich pieramoŭ biez Ukrainy — heta pytańnie pryncypu
Ukraina pavinna pasłać Trampa za rasijskim vajskovym karablom — krynica The Times u Minabarony Brytanii
«Mnie zdajecca, što ja ŭ bolšaj realnaści znachodžusia». Zialenski padzialiŭsia padrabiaznaściami svajoj učarašniaj razmovy z Trampam
Paśla razmovy Trampa z Pucinym jeŭrapiejskija palityki vystupili z ahulnaj zajavaj pa Ukrainie
Kamientary