Vice-prezident ZŠA: Va Ukrainu mohuć uvieści amierykanskija vojski, kali Maskva budzie zryvać pieramovy
Džej Dzi Vens zaŭvažyŭ taksama, što jašče rana kazać, jakaja častka terytoryi Ukrainy zastaniecca ŭ rukach Rasii.
Vice-prezident ZŠA Džej Dzi Vens u intervju The Wall Street Journal skazaŭ, što varyjant uvodu amierykanskich vojskaŭ va Ukrainu, kali Maskva nie zmoža vieści pieramovy dobrasumlenna, zastajecca «na stale».
«Jość ekanamičnyja instrumienty ŭpłyvu, jość, viadoma, i vajennyja instrumienty ŭpłyvu, jakija ZŠA mohuć vykarystoŭvać suprać Pucina», — adznačyŭ Vens.
Raniej amierykanski ministr abarony Pit Chiehsiet vykazvaŭsia, što ZŠA nie buduć uvodzić vojski.
Budučyja pieramovy Vens acharaktaryzavaŭ tak: «Ja dumaju, što z hetaha vyjdzie ździełka, jakaja šakuje mnohich ludziej».
Administracyja Trampa, zapeŭnivaje Vens, budzie sprabavać pierakanać Pucina, što Rasija dasiahnie bolšaha za stałom pieramovaŭ, čym na poli boju. Vice-prezident ZŠA adznačyŭ, što Tramp moža źmianić svajo mierkavańnie ŭ zaležnaści ad taho, jak buduć iści pieramovy.
Vens zaŭvažyŭ, što jašče rana kazać, jakaja častka terytoryi Ukrainy zastaniecca ŭ rukach Rasii i jakija harantyi biaśpieki ZŠA i zachodnija sajuźniki mohuć prapanavać Ukrainie.
«Isnuje mnostva farmulovak, kanfihuracyj, ale nas chvaluje suvierennaja niezaležnaść Ukrainy», — skazaŭ jon u intervju.
-
U akupavanaj Novaj Kachoŭcy Chiersonskaj vobłaści zabity staršynia «savieta deputataŭ»
-
Z-za ataki ŭkrainskich dronaŭ u dvuch rajonach Rastoŭskaj vobłaści adklučałasia elektryčnaść
-
«Ja ŭmieju zabivać. Tut mianie za heta nie asudziać». Va USU taksama słužać źniavolenyja, jakija pramianiali turmu na pole boju
Ciapier čytajuć
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie4
Kamientary