Na miažy z Polščaj i Litvoj nazirajecca pavieličeńnie čerhaŭ na vyjezd i ŭjezd
U apošnija dni na miažy Biełarusi z krainami Jeŭrasajuza nazirajecca niekatoraje pavieličeńnie čerhaŭ transpartnych srodkaŭ na vyjezd i ŭjezd.
Tak, pavodle źviestak na 8 hadzin 15 sakavika na biełaruska‑polskaj miažy ŭ punkcie propusku »Bruzhi» ŭ čarzie na ŭjezd u Biełaruś znachodziłasia kala 100 lehkavych aŭtamabilaŭ, na vyjezd z krainy — kala 80 lehkavych i 30 hruzavych mašyn. U minułyja vychadnyja hetyja ličby dasiahali 130. Kala 30 lehkavych aŭtamabilaŭ čakali ŭjezdu ŭ Biełaruś praz »Bierastavicu».
Načalnik pres‑centra Dziaržaŭnaha pahraničnaha kamiteta Biełarusi Alaksandr Ciščanka padobnuju situacyju rastłumačyŭ niekalkimi abstavinami.
Pa‑pieršaje, Polšča značna aktyvizavała miery pa abaronie svaich ekanamičnych intaresaŭ na poli supraćdziejańnia kantrabandzie tytuniovych vyrabaŭ, što značna pavialičvaje čas afarmleńnia transpartnych srodkaŭ.
Pa‑druhoje, pierad čakanym z 1 lipienia pavieličeńniem stavak mytnych pošlin na impartnyja aŭtamabili žychary Biełarusi aktyŭna honiać mašyny ŭ krainu. Pa‑treciaje, pavodle słoŭ Alaksandra Ciščanki, na biełaruska‑polskaj miažy napiaredadni pačatku realizacyi ź siaredziny hetaha hoda małoha pryhraničnaha ruchu aktyvizujecca «sumačny tavaraabmien». I asabliva heta prykmietna ŭ »Bruzhach».
Alaksandr Ciščanka taksama adznačyŭ, što Litva i Łatvija pačynajuć prymać bolš aktyŭnyja miery pa supraćdziejańni kantrabandzie cyharet. Ale pakul abstanoŭka ŭ punktach propusku na miažy z hetymi krainami mała adroźnivajecca ad zvyčajnaj.
Kamientary