Ad siońnia na 10 miesiacaŭ zakryŭsia most z vulicy Maskoŭskaj da płoščy Niezaležnaści. Jak budzie abjazdžać zvyčajny i hramadski transpart?
Z 8 lutaha ŭ Minsku zakryty puciepravod pamiž praśpiektam Niezaležnaści i vulicaj Maskoŭskaj u suviazi z kapitalnym ramontam, jaki praciahniecca da 1 śniežnia. U suviazi z hetym uviedzieny źmieny ŭ arhanizacyju darožnaha ruchu i maršruty hramadskaha transpartu, pišuć Minsk-naviny.
Ruch transpartnych srodkaŭ zabaronieny na puciepravodzie i na padjezdach da jaho na praśpiekcie Niezaležnaści na ŭčastku ad vulicy Śviardłova (za vyklučeńniem hramadskaha transpartu).
Na vulicy Babrujskaj — ad vulicy Leninhradskaj da płoščy Miaśnikova ŭ abodvuch napramkach (taksama za vyklučeńniem hramadskaha transpartu).
Rekamiendavanyja maršruty abjezdu
Dla kiroŭcaŭ z boku žyłoha kompleksu «Minsk-Śviet»: praz praśpiekt Žukava z nastupnym vyjezdam na praśpiekt Dziaržynskaha, vulicu Niamiha abo Kalvaryjskuju; praz vulicu Aeradromnuju z nastupnym vyjezdam na vulicu Majakoŭskaha i dalej na vulicu Śviardłova.
Dla kiroŭcaŭ, jakija ruchajucca z centra horada: praz praśpiekt Mašerava; praz druhoje transpartnaje kalco.
Dla aŭtamabilaŭ, jakija ruchajucca pa praśpiekcie Niezaležnaści: pavarot naleva na vulicu Śviardłova budzie ažyćciaŭlacca z troch pałos. Pa pieršaj u bok puciepravoda možna budzie jechać prama tolki hramadskamu transpartu.
Źmieny ŭ maršrutach hramadskaha transpartu:
Ruch aŭtobusaŭ № 100, 111, 50S, 40, 1064-TK, 1076-TK, 1151-TK, 1547-TK arhanizujecca ad vulicy Maskoŭskaj praz transpartnuju raźviazku pa vulicy Tałstoha, Babrujskaj, pr. Niezaležnaści i dalej pa maršrutach u pramym napramku; nazad — pa pr. Niezaležnaści, vuł. Babrujskaj, pł. Miaśnikova, vuł. Maskoŭskaj i dalej pa maršrutach.
Aŭtobus № 47s budzie kursiravać ad vuł. Maskoŭskaj praz transpartnuju raźviazku pa vuł. Tałstoha, vuł. Babrujskaj, pr. Niezaležnaści, vuł.Śviardłova, Kirava ŭ pramym kirunku; u zvarotnym kirunku — bieź źmienaŭ.
Tralejbus № 22, aŭtobusy № 115E, 127, 300E, 1212-TK, 1400-TK u napramku čyhunačnaha vakzała ad pł. Niezaležnaści buduć jechać praz časovaje kruhavoje skryžavańnie, pa źjeździe puciepravoda na vuł. Babrujskuju, vuł. Babrujskaj i dalej pa maršrutach; u napramku pł. niezaležnaści — bieź źmienaŭ.
Ruch tralejbusnych maršrutaŭ № 4, 7, 36, 44, 58, aŭtobusnych maršrutaŭ № 78, 190e, 1131-TK, 1499-TK pa vuł.Babrujskaj arhanizujecca pa časovaj abjaznoj darozie pa źjezdach puciepravoda pł. Niezaležnaści — vuł. Maskoŭskaja.
Kiroŭcam rekamiendujecca zahadzia płanavać maršruty z ulikam hetych źmien i, pa mahčymaści, karystacca hramadskim transpartam.
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary