Viktar Varabjoŭ — uradženiec Rasii, ale mieŭ biełaruskaje hramadzianstva.
29-hadovy supracoŭnik mytni Viktar Varabjoŭ abvinavačvajecca pa piaci palityčnych artykułach:
- zdrada dziaržavie (častka 1 artykuła 356 KK)
- pieravyšeńnie ŭłady abo słužbovych paŭnamoctvaŭ (častka 1 artykuła 426 KK)
- sadziejničańnie ekstremisckaj dziejnaści (častka 1 artykuła 361-4 KK)
- udzieł u ekstremisckim farmavańni (častka 3 artykuła 361-1 KK)
- hrubaje parušeńnie hramadskaha paradku (častka 1 artykuła 342 KK).
Jak paviedamili «Našaj Nivie» ŭ prajekcie Digital Intelligence Team, Viktar Varabjoŭ — uradženiec Rasii, ale maje biełaruskaje hramadzianstva. Jon pracavaŭ na Minskaj centralnaj mytni.
Paśla škoły pastupiŭ u Biełaruski dziaržaŭny ŭniviersitet infarmatyki i radyjoelektroniki pa śpiecyjalnaści «Mikra– i nanaelektronnyja technałohii i sistemy».
«Viasna» daviedałasia, što ŭ 2014 hodzie Varabjoŭ byŭ abvieščany źnikłym bieź źviestak.
A «Miedyjazona» źviarnuła ŭvahu na jaho staronku ŭ sietcy Linkedin. Tam paznačana, što z 2018 hoda Viktar pracavaŭ staršym inžynieram pa kamunikacyjach u mytni.
14 lutaha 2025 hoda Varabjova pačynajuć sudzić u Minskim haradskim sudzie ŭ zakrytym režymie. Pa artykule za zdradu dziaržavie jamu pahražaje da 15 hadoŭ źniavoleńnia, ahułam ža — da 20 hadoŭ.
Kamientary