Paśla svajho zatrymańnia dyrektar zavoda ŭ Rečycy zvolniŭ raniej represavanaha supracoŭnika
Adrazu paśla karotkačasovaha zatrymańnia dyrektara Rečyckaha mietyznaha zavoda Viktara Samončyka vykazvalisia mierkavańni, što jano źviazanaje z admovaj zvalniać supracoŭnikaŭ, jakich pieraśledavali pavodle palityčnych matyvaŭ. Ale ciapier situacyja mianiajecca, piša «Homielskaja viasna».
10 studzienia ŭ Rečycy sudzili Ivana Dzienisienku, jaki raniej pracavaŭ hałoŭnym miechanikam Rečyckaha mietyznaha zavoda. Apošniaja jahonaja pasada — načalnik adździeła zabieśpiačeńnia. Tady jamu prysudzili piać sutak administracyjnaha aryštu pavodle č. 2 art. 19.11 Kodeksa ab administracyjnych pravaparušeńniach nibyta za raspaŭsiud «ekstremisckaj» infarmacyi.
Na toj momant krynicy pravaabaroncaŭ na mietyznym zavodzie paviedamlali, što dyrektar pradpryjemstva nie zvalniaŭ represavanych supracoŭnikaŭ, tłumačačy svaje dziejańni tym, što jany dobryja śpiecyjalisty i ich niama kim zamianić.
15 studzienia ŭ Rečycy adbyŭsia jašče adzin sud nad supracoŭnikam mietyznaha zavoda. Pavodle tych samych padstaŭ represavali Andreja Starušenku, jaki zajmaŭ pasadu hałoŭnaha enierhietyka pradpryjemstva. Jakim čynam jaho pakarali, pakul nieviadoma.
28 studzienia žurnalisty daviedalisia, što ŭ Rečycy prosta z pracoŭnaha miesca vyvieli ŭ kajdankach Viktara Samončyka — dyrektara adnaho z asnoŭnych pradpryjemstvaŭ horada, Rečyckaha mietyznaha zavoda. Dziaržaŭnyja krynicy nijak zatrymańnie nie kamientavali, ale na zavodzie tady kazali, što zatrymańnie źviazanaje ŭsio z toj ža admovaj zvalniać represavanych supracoŭnikaŭ pavodle palityčnych matyvaŭ.
Užo 29 studzienia dyrektar viarnuŭsia da vykanańnia svaich abviazkaŭ i demanstratyŭna naviedvaŭ vytvorčyja cechi zavoda.
31 studzienia pravaabaroncy atrymali infarmacyju, što Ivana Dzienisienku ŭsio ž taki zvolnili z pracy. Ci praciahnie pracavać na mietyznym zavodzie ŭ Rečycy Andrej Starušenka dy inšyja raniej represavanyja supracoŭniki, pakul nieviadoma.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje88
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje8
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary