Zajavu padrychtavali ŭdzielniki niefarmalnaj hrupy ABSIE «Siabry demakratyčnaj Biełarusi». Raniej ZŠA padtrymlivali zajavy na hetaj placoŭcy pa biełaruskich prablemach, ale ciapier ich u śpisie tych, chto dałučyŭsia da zajavy, niama.
U zajavie havorycca, što hałasavańnie 26 studzienia nie było svabodnymi vybarami i nie adpaviadała standartam ABSIE.
«Nijakija vybary nie mohuć ličycca svabodnymi i spraviadlivymi abo adpaviednymi mižnarodnym standartam, kali jany pravodziacca ŭ atmaśfiery represij, jakija praciahvajucca, adznačajucca bieśpierapynnym ciskam na hramadzianskuju supolnaść, advolnymi zatrymańniami i masavymi parušeńniami pravoŭ čałavieka, a taksama abmiežavańniami luboha sapraŭdnaha palityčnaha ŭdziełu i adsutnaść vartych davieru apazicyjnych kandydataŭ», — havorycca ŭ dakumiencie.
Zajava była pradstaŭlenaja ad imia Bałharyi, Bielhii, Vialikabrytanii, Hiermanii, Hrecyi, Danii, Irłandyi, Isłandyi, Ispanii, Italii, Kanady, Kipra, Łatvii, Litvy, Luksiemburha, Narviehii, Niderłandaŭ, Partuhalii, Polščy, Rumynii, Słavienii, Ukrainy, Charvatyi, Čechii, Finlandyi, Francyi, Čarnahoryi, Šviecyi, Estonii. Da dakumienta taksama dałučylisia Ałbanija, Andora, Aŭstryja, Bośnija i Hiercahavina, Lichtenštejn, Malta, Paŭnočnaja Makiedonija, San-Maryna i Šviejcaryja.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT2
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary