Ranicaj 25 studzienia karystalniki ź Biełarusi sutyknulisia sa składanaściami pry vykarystańni VPN-servisaŭ i asobnych zamiežnych sajtaŭ. Pavodle infarmacyi čytačoŭ «Lusterka», pieraboi zakranuli jak minimum čatyry servisy ananimizacyi.
Adnak zastalisia i pracujučyja sposaby padklučyć svabodny dostup da internetu.
Prablemy pačalisia kala 10-11 ranicy pa minskim časie. Jany zakranuli karystalnikaŭ ź Minska i ŭsich abłaściej krainy. Ciažkaści jość pry vykarystańni i chatniaha, i mabilnaha internetu.
Da hetych VPN-servisaŭ biełarusy nie zmahli padłučycca: Proton VPN, NordVPN, TunnelBear, VPN — Super Unlimited Proxy, X-VPN, Planet VPN. A voś Psiphon, pavodle infarmacyi čytačoŭ, praciahnuŭ pracavać.
Adzin z karystalnikaŭ padrabiazna apisaŭ, jak vyhladaŭ zboj u vykarystańni MULLVAD VPN. «Paśla paśpiachovaj ustanoŭki złučeńnia ź siervierami Mullvad, lubyja pakiety pierastajuć prachodzić. Na ŭsich pravajdarach, uklučajučy mabilny internet, situacyja identyčnaja», — paviedamiŭ jon. Pavodle jaho nazirańniaŭ, prablema raspaŭsiudziłasia na dva pratakoły — WireGuard i OpenVPN, a pratakoł «Amniezija VH» praciahnuŭ pracavać.
«Padobna na vybaračnaje błakavańnie siervieraŭ, a nie ahulnuju filtracyju VPN-trafiku. Ale ŭličvajučy biahučyja padziei, ja nie vyklučaju, što z časam błakavańnie moža raspaŭsiudzicca i na inšyja papularnyja VPN-servisy», — razvažaje surazmoŭca.
Jašče karystalniki paviedamili pra zboi ŭ padklučeńni da asobnych zamiežnych sajtaŭ — Twitch, Steam i Reddit. Jość taksama dva paviedamleńni pra paharšeńnie pracy Telegram, adnak u cełym miesiendžar zastajecca dastupny.
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary