23 studzienia pamior biełaruski piśmieńnik Viktar Hardziej. Jamu było 78 hadoŭ.
Viktar Hardziej naradziŭsia 19 žniŭnia 1946 hoda ŭ vioscy Małyja Kruhovičy Hancavickaha rajona.
U maładości pracavaŭ u lachavickaj rajonnaj haziecie «Budaŭnik kamunizmu» i hancavickaj rajonnaj haziecie «Savieckaje Paleśsie», u 1984 hodzie zavočna skončyŭ fakultet žurnalistyki BDU.
U 1983 hodzie pierajechaŭ u Minsk, dzie pracavaŭ u redakcyjach časopisaŭ «Biełaruś», «Rodnaja pryroda», «Maładość», «Połymia», «Vožyk». U časopisie «Maładość» byŭ namieśnikam hałoŭnaha redaktara.
Da 2010 hoda pracavaŭ u vydaviectvie «Mastackaja litaratura», u 2010—2015 hadach — zahadčyk adździeła prozy i paezii haziety «Litaratura i mastactva».
Litaraturnuju pracu pačaŭ u 1963 hodzie. Aŭtar šmatlikich zbornikaŭ paezii dla darosłych i dziaciej, vydaŭ taksama knihi prozy «Dom z błakitnymi akanicami» (1984), «Karani viečnaha dreva» (1988), «Uratuj ad niačystaha» (1995), «Ci to hrebla, ci to hać» (1996) i inš.
Pierakłaŭ na biełaruskuju movu ramany Hiustava Fłabiera «Sałambo» i Robierta Ljuisa Styviensana «Čornaja strała», apovieść-kazku Ernsta Teadora Amadeja Hofmana «Ščaŭkunčyk i myšyny karol», knihu kazak narodaŭ Jeŭropy «Chrustalny kałodziež» i inš.
Z 1979 hoda byŭ členam Sajuza piśmieńnikaŭ Biełarusi, łaŭreatam Litaraturnaj premii imia Ivana Mieleža i litaraturnaj premii «Załaty kupidon».
U vioscy Małyja Kruhovičy da 50-hodździa piśmieńnika imiem Viktara Hardzieja była nazvanaja vulica, na jakoj jon naradziŭsia i žyŭ, a na miescy doma, dzie jon žyŭ, u 2017 hodzie pastavili pamiatny znak.
«Kaliści pracavali razam, i Hardziej, daviedaŭšysia, što ja lublu Stralcova, padaryŭ mnie rukapis stralcoŭskaha ese «Recenzija na čatyrochradkoŭje». Nie viedaju, čamu. Moža, paličyŭ, što tak lepiej zachavajecca. A jano i lažyć, uziaŭ z saboj u Litvu navat. Nadta darahi mnie toj niečakany padarunak. Ad čałavieka z dobrym sercam», — napisaŭ u fejsbuku, daviedaŭšysia pra śmierć Viktara Hardzieja, litaraturny krytyk Cichan Čarniakievič.
Raźvitańnie ź Viktaram Hardziejem adbudziecca 25 studzienia z 12:00 da 13:00 na vulicy Kulašova, 49.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju11
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary