Polšča dała hramadzianstva biełarusu, jaki 12 hadoŭ dakazvaŭ, što nie ŭjaŭlaje saboj pahrozy
Vajavoda Kujaŭska-Pamorskaha vajavodstva daŭ hramadzianstva Polščy biełarusu polskaha pachodžańnia Paŭłu Juškieviču.
Vajavoda Kujaŭska-Pamorskaha vajavodstva Michał Štybla nadaŭ hramadzianstva Polščy Paŭłu Juškieviču, uradžencu Biełarusi polskaha pachodžańnia. Ciaham 12 hadoŭ mužčyna sprabavaŭ dakazać, što nie źjaŭlajecca pahrozaj biaśpiecy Polščy. U niejki momant nad im navisła pahroza departacyi, piša Most.
Pavieł pryjechaŭ u Polšču ŭ 2003 hodzie paśla zakančeńnia škoły. Jon skončyŭ piedahahičny fakultet i fakultet mižnarodnych adnosin va Univiersitecie Mikałaja Kapiernika. Na padstavie polskich karanioŭ atrymaŭ pastajanny dazvoł na žycharstva i ŭ 2012 hodzie ŭpieršyniu padaŭ zajavu na polskaje hramadzianstva. Adnak jamu admovili, spasłaŭšysia na sakretnaje zaklučeńnie śpiecsłužbaŭ, jakija paličyli, što Pavieł moža ŭjaŭlać pahrozu biaśpiecy i hramadskamu paradku.
Z taho času jon abskardžvaŭ hetaje rašeńnie, ale ŭ listapadzie 2023 hoda jaho pazbavili pastajannaha DNŽ i pradpisali pakinuć Polšču. Pavieł doŭha zmahaŭsia za toje, kab jaho nie departavali ŭ Biełaruś, i navat padaŭ zajavu ab mižnarodnaj abaronie. U lipieni 2024 hoda sud admianiŭ rašeńnie ab anulavańni DNŽ, i Pavieł znoŭ padaŭ dakumienty na polski pašpart. U studzieni 2025 hoda jon narešcie atrymaŭ hramadzianstva.
— Ja adčuŭ vialikuju radaść, palohku i razumieńnie, što ŭsie maje prablemy narešcie skončylisia. Paśla hoda, a kali dakładniej, paśla 12 hadoŭ. Hetaja historyja ciahnułasia vielmi doŭha, — skazaŭ Pavieł u intervju telekanału TVP3.
U abaronu Paŭła vystupali akademičnyja koły, biełaruskaja emihracyja, a taksama Śviatłana Cichanoŭskaja, vajavoda Kujaŭska-Pamorskaha vajavodstva i staršynia Toruńskaha haradskoha savieta.
— Zmahaŭsia ja, zmahalisia maje znajomyja i nieabyjakavyja ludzi, jakija nie prymali takoje stanovišča. Heta kaštavała mnie vielmi doraha. Dumaju, nastupstvy dla zdaroŭja ja budu adčuvać jašče doŭha, ale hałoŭnaje — ščaślivy kaniec, — padsumavaŭ Pavieł.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary