Pa vynikach vybaraŭ kiraŭnictva Nacyjanalnaha alimpijskaha kamiteta ŭ vykankamie nie akazałasia sienatara i treniera Koli Łukašenki.
Prezidentam Nacyjanalnaha alimpijskaha kamiteta na novy termin byŭ pieravybrany Viktar Łukašenka. Cikava, što jaho vybrali nie adnahałosna: 82 členy NAK prahałasavali za, dvoje vystupili suprać, jašče try ŭstrymalisia.
U novy skład vykankama NAK nie ŭvajšoŭ sienatar i trenier Koli Łukašenki Dźmitryj Baskaŭ. Darečy, Mižnarodny alimpijski kamitet i raniej nie pryznavaŭ členstva Baskava ŭ vykankamie.
U śniežni 2020 hoda paplečnik Łukašenki, źviazany ź źbićciom i zatrymańniem Ramana Bandarenki, byŭ adchileny ad usich mierapryjemstvaŭ MAK i Alimpijskich hulniaŭ. Anałahičnyja sankcyi byli ŭviedzienyja i adnosna Alaksandra i Viktara Łukašenki: za toje, što NAK nie tolki nie abaraniaŭ spartsmienaŭ ad palityčna matyvavanaha pieraśledu, ale i ŭdzielničaŭ u represijach.
Z raniejšych členaŭ vykankama, akramia Baskava, u novy skład nie ŭvajšli dyrektar stadyjona «Dynama» Alaksandr But-Husajem i dyrektar Nacyjanalnaha antydopinhavaha ahienctva Dzianis Mužuchin.
Miescy ŭ kirujučym orhanie, akramia Viktara Łukašenki i jaho vice-prezidenta Dźmitryja Daŭhalonki, atrymali alimpijski čempijon pa handbole i davieranaja asoba Łukašenki na minułych vybarach Andrej Barbašynski, kiraŭnik fiederacyi chakieja Alaksandr Bahdanovič, viadomaja ŭ minułym bijatłanistka Alena Zubryłava, dyrektar RNPC sportu Iryna Malavanaja, kiraŭnik fiederacyi nastolnaha tenisa Alaksiej Prakapovič, zorny ŭ minułym handbalist, a ciapier kiraŭnik fiederacyi tenisa Siarhiej Rutenka, staršynia fiederacyi baraćby Alim Sielimaŭ, byłaja mastackaja himnastka Luboŭ Čarkašyna i kiraŭnik fiederacyi viełasipiednaha sportu Natalla Cylinskaja.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary