Armija RF uziała pad kantrol lityjevyja radoviščy niedaloka ad pasiołka Šaŭčenka ŭ Danieckaj vobłaści Ukrainy, ab zachopie jakoha Minabarony dała spravazdaču dvuma dniami raniej. Pra heta zajaviŭ kiraŭnik samaabvieščanaj «DNR» Dzianis Pušylin, piša The Moscow Times.
«Rośsijskaja hazieta» aceńvała zapasy lityjevych rud u vakolicach pasiołka Šaŭčenka ŭ 13,8 młn ton. «Na hety momant heta ŭsio ciapier znachodzicca pad kantrolem RF», — skazaŭ Pušylin.
Akramia imavierna zachoplenaha, va Ukrainie raźviedanyja jašče try radoviščy lityju. Dva ź ich raźmieščanyja ŭ Kiravahradskaj vobłaści (Połachaŭskaje radovišča), jašče adno — u Zaparožskaj vobłaści (Krutaja Bałka).
Pavodle danych eks-kiraŭnika Dziaržaŭnaj słužby hieałohii i nietraŭ Ukrainy Ramana Apimacha, u krainie skancentravanaja tracina raźviedanych u Jeŭropie, abo 1% ad suśvietnych zapasaŭ lityju, jaki vykarystoŭvajecca dla vytvorčaści mikračypaŭ, elektrapryboraŭ i akumulataraŭ.
U červieni 2023 hoda pieršaja vice-premjerka — ministarka ekanomiki Ukrainy Julija Śvirydzienka adznačała, što ŭ krainie majucca adnyja z samych vialikich zapasaŭ lityju ŭ Jeŭropie, ale dla jaho zdabyčy nieabchodna pryciahnuć inviestaraŭ.
Rasija mocna zaležyć ad impartu krytyčna važnych vidaŭ syraviny, uklučajučy lityj. Acenki jaje Padlikovaj pałaty śviedčać pra toje, što pierad pačatkam vajny va Ukrainie za košt zamiežnych zakupak pakryvalisia 100% patrebaŭ rasijskaj ekanomiki ŭ tytanie, chromie, marhancy, lityi, jodzie i amal 90% popytu na cyrkonij.
Rasija sprabuje destabilizavać Nihieryju. Upadzie jana — upadzie ŭsia Zachodniaja Afryka
U Afrycy moža vybuchnuć jašče adna vialikaja vajna. I vahnieraŭcy kruciacca pobač
Indyja pačała palavać na «krytyčna važnyja minierały» za miažoj. Pošuk zavioŭ i ŭ Biełaruś
Vializnaje radovišča fasfataŭ u Narviehii moža całkam źmianić industryju elektramabilaŭ
Trymajecie noŭtbuk uvieś čas padklučanym? Heta kiepska dla jaho
Kamientary