«Ničoha krytyčnaha tam nie zachoŭvaŭ». Kabančuk prakamientavaŭ uzłom svajho akaŭnta ŭ telehramie
9 studzienia telehram-kanał, źviazany ź siłavikami, paviedamiŭ pra ŭzłom akaŭnta Vadzima Kabančuka, pradstaŭnika Abjadnanaha pierachodnaha kabinieta pa nacyjanalnaj biaśpiecy i byłoha namieśnika kamandzira pałka Kalinoŭskaha. Sam Kabančuk prakamientavaŭ situacyju ŭ razmovie z «Radyjo Svaboda».
U razmovie sa «Svabodaj» Vadzim Kabančuk skazaŭ, što nie vyklučaje, što jaho infarmacyju mahli vykraści nieviadomyja:
«Dvuchfaktarnaja aŭtentyfikacyja telehram-akaŭnta ŭ mianie była ŭklučana daŭno, ciažka skazać, jak jany mahli atrymać dostup. Pra sam hety incydent ja daviedaŭsia ŭčora ad žurnalistaŭ «Lusterka». Dumaju, što chutčej za ŭsio heta adbyłosia ŭletku 2023 hoda. Zaraz moj TH-akaŭnt pracuje narmalna, paroli pamianiaŭ, nastupstvaŭ uzłomu nie bačna».
Pavodle Kabančuka, z hetaha vypadku jon zrabiŭ vysnovy, źviazanyja ź ličbavaj biaśpiekaj:
«Ja naohuł nie ličyŭ telehram vielmi nadziejnym kamunikataram, nie daviaraŭ jamu, faktyčna tolki adkazvaŭ, kali mnie pisali, i ničoha krytyčnaha tam nie zachoŭvaŭ. Ja bolš daviaraju inšym, bolš nadziejnym kamunikataram. Tamu sapraŭdy surjoznyja rečy jany nie mahli vykraści».
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści41
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary