Navalnaha admovilisia vyklučać sa śpisa terarystaŭ i ekstremistaŭ navat paśla śmierci
Udava palityka apublikavała adkaz Raśfinmanitorynha na jaje zvarot ab vyklučeńni Alaksieja Navalnaha ź pieraliku asob, jakija majuć dačynieńnie da ekstremisckaj dziejnaści abo teraryzmu.
Hety rejestr časam nazyvajuć «śpisam terarystaŭ i ekstremistaŭ» — u jaho traplajuć ludzi, suprać jakich raspačynalisia kryminalnyja spravy pa adpaviednych artykułach Kryminalnaha kodeksa RF, piša Bi-bi-si.
Navalny, jaki pamior u kałonii ŭ lutaha minułaha hoda, byŭ uklučany ŭ hety rejestr pa adnoj z mnohich spraŭ, jakija byli raspačatyja suprać jaho. Raśfinmanitorynh adkazaŭ Navalnaj, što nie atrymlivaŭ infarmacyi ab spynieńni hetaj spravy.
Padstavy dla znachodžańnia Navalnaha A.A. u śpisie nie adpali», — havorycca ŭ adkazie viedamstva.
«Śmierć čałavieka — heta biezumoŭnaja padstava dla vyklučeńnia», — piša ŭdava palityka, spasyłajučysia na zakon ab supraćdziejańni lehalizacyi dachodaŭ i finansavańniu teraryzmu.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»44
Kamientary