«Ja ŭbačyła vajnu, a ty tam hałoŭny»: Załužny apisaŭ u knizie sustreču z varažbitkaj 25 hadoŭ tamu
Były hałoŭnakamandujučy Uzbrojenych sił Ukrainy Valeryj Załužny raspavioŭ pra pradkazańni varažbitki, kali jon byŭ jašče kursantam, piša UNIAN.
25 hadoŭ tamu siońniašni pasoł Ukrainy ŭ Vialikabrytanii Valeryj Załužny ŭžo byŭ «apavieščany» pra toje, što jaho čakaje poŭnamaštabnaja vajna na pasadzie hałoŭnakamandujučaha USU. U svajoj knizie «Maja vajna» jon apisaŭ sustreču z varažbitkaj u płackarcie, na šlachu z Adesy ŭ Žytomir, što adbyłasia 25 hadoŭ tamu.
«Ja ŭbačyła vajnu. Strašnaja. U nas, tut. A ty tam samy hałoŭny», — apisaŭ Załužny jaje słovy.
Były hałoŭnakamandujučy USU taksama zajaviŭ, što ŭspomniŭ pra hety epizod tolki ŭ kancy lutaha 2022 hoda i ŭśviadomiŭ, što napieradzie Ukrainu čakaje «ciažkaja vajna na vyžyvańnie». Jana pavinna zaviaršycca pieramohaj Ukrainy.
Varažbitka, pa jaho słovach, «pačuła» kryki i stohny, płač dziaciej. Jana raspaviała Załužnamu, što jaho prodki daŭno vajavali i što jon sam — voin.
Kamientary