Kizim abviarhaje, što va Ukrainie ź pieraliku moŭ, što znachodziacca pad asablivaj abaronaj, vykreślivajuć biełaruskuju
Pasoł Ukrainy pa asablivych daručeńniach pa Biełarusi Ihar Kizim zrabiŭ admysłovuju zajavu nakont vykreślivańnia biełaruskaj movy sa śpisu tych, što znachodziacca va Ukrainie pad asablivaj abaronaj. Infarmacyja pra takuju pierśpiektyvu źjaviłasia ŭ roznych pablikach paśla zajavy pradstaŭnika ŭradu ŭ Viarchoŭnaj Radzie Tarasa Mielničuka.
Kizim abviarhaje, što Kabmin Ukrainy ŭchvaliŭ źmieny ŭ prajekt zakona, jaki tyčycca Chartyi ab rehijanalnych movach i, byccam by tam prybrali biełaruskuju movu sa śpisu moŭ, raźvićcio jakich patrabuje dziaržaŭnaj padtrymki.
«Navat na toje, što pasiadžeńnie Kabinieta ministraŭ tolki siońnia, nichto nie źviartaje ŭvahi», — napisaŭ jon.
Zatoje, pavodle jaho słoŭ, adrazu pajšli ŭžo niehatyŭnyja kamientary, ŚMI padchapili «hetaje tryźnieńnie».
«Pasłuchajcie, nu pahladzicie prajekt na aficyjnym sajcie, jon u publičnym dostupie. Tam biełaruskaja mova staić napieradzie ŭsich pieraličanych u pablikach moŭ (u adpaviednaści z ałfavitam). Tak što supakojciesia «chajpušniki». Jak havorycca, nie padtrymlivajcie choć i prymityŭnaje, ale ŭsio ž IPSA rasijska-biełaruskich aficyjnych uładaŭ i / abo prapahandystaŭ», — napisaŭ jon.
24 śniežnia źjaviłasia infarmacyja, što Kabiniet ministraŭ Ukrainy adobryŭ prajekt zakona, jakim prapanuje prybrać ź pieraliku moŭ, jakija padlahajuć asablivaj abaronie, biełaruskuju i ruskuju.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary
Ale ž łukašenkaŭskija ŭłady nie źjaŭlajucca "biełaruskimi" dy "aficyjnymi". Jany antybiełaruskija, bo źniščajuć usio biełaruskaje. Biełaruskija ž aficyjnyja ŭłady mieściacca zaraz u vyhnańni - u Vilni dy Varšavie. Na čale z abranaj prezidentkaj. A prarasiejski režym u Minsku nia moža być aficyjnym pa vyznačeńni, bo zachapiŭ uładu hvałtam i zbrojaj, a tamu nia moža aficyjna pradstaŭlać krainu. Varta było b užo narešcie vyznačycca z terminałohijaj.
Biełarus, a možna aficyjnuju spraŭku nakont ichniaj aficyjnajści atrymać?
Dziaržaŭnych biełaruskich instytucyj zaraz nie isnuje - jany ŭsie zachopleny. Heta taksama rečaisnaść. Ale ž kali vielmi patrebna papierka - to heta da łukašenkaŭskaha "cyku". Tam, navat, piačatka budzie ab ŭsienarodnaj padtrymki ŭ 80%.