Кізім абвяргае, што ва Украіне з пераліку моў, што знаходзяцца пад асаблівай абаронай, выкрэсліваюць беларускую
Пасол Украіны па асаблівых даручэннях па Беларусі Ігар Кізім зрабіў адмысловую заяву наконт выкрэслівання беларускай мовы са спісу тых, што знаходзяцца ва Украіне пад асаблівай абаронай. Інфармацыя пра такую перспектыву з'явілася ў розных пабліках пасля заявы прадстаўніка ўраду ў Вярхоўнай Радзе Тараса Мельнічука.
Кізім абвяргае, што Кабмін Украіны ўхваліў змены ў праект закона, які тычыцца Хартыі аб рэгіянальных мовах і, быццам бы там прыбралі беларускую мову са спісу моў, развіццё якіх патрабуе дзяржаўнай падтрымкі.
«Нават на тое, што пасяджэнне Кабінета міністраў толькі сёння, ніхто не звяртае ўвагі», — напісаў ён.
Затое, паводле яго слоў, адразу пайшлі ўжо негатыўныя каментары, СМІ падхапілі «гэтае трызненне».
«Паслухайце, ну паглядзіце праект на афіцыйным сайце, ён у публічным доступе. Там беларуская мова стаіць наперадзе ўсіх пералічаных у пабліках моў (у адпаведнасці з алфавітам). Так што супакойцеся «хайпушнікі». Як гаворыцца, не падтрымлівайце хоць і прымітыўнае, але ўсё ж ІПСА расійска-беларускіх афіцыйных уладаў і / або прапагандыстаў», — напісаў ён.
24 снежня з'явілася інфармацыя, што Кабінет міністраў Украіны адобрыў праект закона, якім прапануе прыбраць з пераліку моў, якія падлягаюць асаблівай абароне, беларускую і рускую.
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Але ж лукашэнкаўскія ўлады не з'яўляюцца "беларускімі" ды "афіцыйнымі". Яны антыбеларускія, бо зьнішчаюць усё беларускае. Беларускія ж афіцыйныя ўлады месьцяцца зараз у выгнаньні - у Вільні ды Варшаве. На чале з абранай прэзідэнткай. А прарасейскі рэжым у Мінску ня можа быць афіцыйным па вызначэньні, бо захапіў уладу гвалтам і зброяй, а таму ня можа афіцыйна прадстаўляць краіну. Варта было б ужо нарэшце вызначыцца з тэрміналогіяй.
Беларус, а можна афіцыйную спраўку наконт іхняй афіцыйнайсці атрымаць?
Дзяржаўных беларускіх інстытуцый зараз не існуе - яны ўсе захоплены. Гэта таксама рэчаіснасьць. Але ж калі вельмі патрэбна паперка - то гэта да лукашэнкаўскага "цыку". Там, нават, пячатка будзе аб ўсенароднай падтрымкі ў 80%.