«Pieraaryjentavać biznes na pracu z ajčynnym sekand-chendam». Ułady šukajuć rady na zachodnija sankcyi
«Pieraaryjentavać biznes na pracu z ajčynnym sekand-chendam» majuć namier ułady ŭ suviazi z sankcyjami ŭ dačynieńni da hetaj hrupy tavaraŭ. Heta vynikaje sa słužbovaha lista pieršaha vice-premjera Mikałaja Snapkova, kopiju jakoha vydańniu «Pozirk» pieradało abjadnańnie byłych siłavikoŭ BelPol.
List datavany vieraśniem 2024 hoda, jon nakiravany ministru antymanapolnaha rehulavańnia i handlu Alaksieju Bahdanavu, ministru adukacyi Andreju Ivancu, ministru pracy i sacyjalnaj abarony Natalli Paŭlučenka, kiraŭnikam abłvykankamaŭ i Minharvykankama, a taksama staršyni Biełkaapsajuza Inesie Karatkievič i kiraŭniku kancerna «Biellehpram» Taćcianie Łuhinaj.
Snapkoŭ «prosić» u dakumiencie «prapracavać z zacikaŭlenymi» šerah pytańniaŭ «va ŭmovach abmiežavańnia ekspartu rečaŭ «sekand-chend» u Respubliku Biełaruś i Rasijskuju Fiederacyju».
«Zacikaŭlenymi» vice-premjer nazyvaje «subjekty haspadarańnia, jakija realizujuć hetuju pradukcyju», Biełaruski Čyrvony Kryž, «inšyja hramadskija arhanizacyi», terytaryjalnyja centry sacyjalnaha absłuhoŭvańnia nasielnictva, sacyjalna-piedahahičnyja centry, damy načnoha znachodžańnia.
Akramia pieraaryjentacyi biznesu, dakumient prapanuje «prapracavać» pytańni «farmiravańnia ŭ nasielnictva kultury ŭśviadomlenaha spažyvańnia i bieražlivaha vykarystańnia resursaŭ», «arhanizacyi (pašyreńnia dziejnych) pracy bujnych składoŭ (aptovych baz) […], jakija zajmajucca aptovaj realizacyjaj rečaŭ «sekand-chend», uzajemadziejańnia adpaviednych subjektaŭ handlu z hramadskimi arhanizacyjami «ŭ častcy zboru i pieraraźmierkavańnia častki hetych rečaŭ na dabračynnyja mety».
Taksama Snapkoŭ ličyć nieabchodnym padtrymać «dziejnyja inicyjatyvy TZC Galleria Minsk, Mark Formelle, Stradivarius i inšych abjektaŭ pa zbory adzieńnia b/u ŭ metach dalejšaj pieradačy dabračynnym arhanizacyjam i na druhasnuju pierapracoŭku».
Adrasatam lista, akramia inšaha, varta «vyvučyć i maštabavać» płatformu Zara Pre-owned pa akazańni adnajmiennaj sietkaj kram «pasłuh ramontu, pieraprodažu i pieradačy ŭ dar b/k adzieńnia».
Vice-premjer taksama prapanuje «prapracavać» pytańnie «sacyjalnaha pradprymalnictva ŭ hetaj śfiery z elemientami vałanciorstva». Havorka idzie pra «zbor rečaŭ vałanciorami z mahčymaściu ŭznaharodžańnia, pieraraźmierkavańnie rečaŭ u handal, na dabračynnaść i pierapracoŭku».
«Ab prapracoŭcy paznačanych pytańniaŭ prainfarmujcie ŭrad. Termin — da 1 listapada 2024 hoda», — havorycca ŭ dakumiencie.
«Reštki źbirajem z usich składoŭ». Uładalniki sekand-chendaŭ — pra nastupstvy sankcyj ES
«Baćki nie razumieli, jak možna za kimści danošvać». Biełarusy raskazali, čamu zakuplajucca ŭ sekand-chendach
«Nie pieranošu sekandaŭ». Boty pajšli ŭ ataku na sekand-chendy
Što budzie ź biełaruskimi sekandami paśla zabarony Jeŭrasajuza na ŭvoz adzieńnia? Spytali ŭ ich
ES zabaraniŭ uvoz u Biełaruś sekand-chendu. MZS prakamientavała
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary
A prapanovy vałanterstva z padačy dykatatury va umovach vyniščeńnia hramdiaznskaj supolnaści - heta ŭvohule śmiešna.