Biełaruski błohier Uład Bumaha trapiŭ na pramuju liniju da Pucina i mocna prahnuŭsia pierad im
Niečakanym hościem na vynikovaj kanfierencyi Uładzimira Pucina staŭ najpapularniejšy biełaruski dziciačy błohier Uład Bumaha.
— U nas nietradycyjny hość, — pradstaviŭ Ułada Dźmitryj Piaskoŭ.
— U jakim sensie? — patroliŭ Pucin.
Ale błohier Uład Bumaha byŭ vielmi surjoznym i kamplimientarnym. Jon nazvaŭ rasijskija resursy «našymi», pachvaliŭ ich, spytaŭ «navošta błakavać jutub, kali našy placoŭki dobra spraŭlajucca?».
Akramia taho, jak «čałaviek, u jakoha 80 młn padpisčykaŭ», jon spytaŭ u Pucina parady: na jakich sensach jon pavinien vychoŭvać maładoje pakaleńnie?
Pucin u adkaz pacikaviŭsia, ci sapraŭdnaje «Bumaha» proźvišča, pavinšavaŭ z 80 miljonami padpisčykaŭ i zajaviŭ, što Google stvaryŭ u Rasii «dočki», ale paśla ŭviadzieńnia sankcyj pierastaŭ za imi sačyć. Da taho ž, «treba nie zabyvać vykonvać rasijskija zakony».
Pucin dadaŭ, što kali Google i YouTube źmieniać svaju palityku, to prablem nie budzie. Kali nie, ich miesca zojmuć «UKantakcie» i astatnija.
Nakont «sensaŭ» Pucin havaryć prosta admoviŭsia, ale namiaknuŭ, što ŭ błohiera jość dzieci. «Adkaznaść pierad svaim dziciem i krainaj, dzie vaša dzicia budzie žyć, vas zaryjentuje navat lepš, čym heta zrablu ja», — skazaŭ Pucin.
Ciapier čytajuć
Vyśvietlili, dzie adbyvaŭsia «dopyt» kalinoŭca Vasila Hračychi15
Kamientary