Novy ministr Čarniecki źbirajecca palavać na vorahaŭ u biełaruskaj kultury
Rusłan Čarniecki paznačyŭ adzin z kirunkaŭ svajoj kadravaj palityki na ministerskaj pasadzie.
Novy ministr kultury Rusłan Čarniecki raskazaŭ, što praktyka pošuku «vorahaŭ» u kultury pry im praciahniecca.
Prapahandystka «SB» Ludmiła Hładkaja spytała ŭ čynoŭnika, ci zakranuć jaho novaŭviadzieńni tych ludziej, jakija «zaśmiečvajuć hałovy i pracujuć na voraha».
«Zrazumieła, my ŭ hetaj spravie budziem vielmi surjoznuju pracu pravodzić. Jana i viałasia zaŭsiody. I budzie praciahvacca. Tamu što vorahaŭ nie pavinna być u našaj śfiery, asabliva ŭ śfiery kultury. Kultura vialiki ŭpłyŭ maje ŭ masach. I my tut pavinny žyć adnoj idejaj, adnoj metaj. Ščyra pryčym. A vorahi nam tut nie patrebnyja», — zajaviŭ Čarniecki.
Pošukam «vorahaŭ» u śfiery kultury aktyŭna zajmaŭsia papiarednik Čarnieckaha Anatol Markievič. U kastryčniku jon navat abviaściŭ, što biełaruskaja kultura »ačyściłasia ad destruktyŭnych elemientaŭ». Ale novy ministr ličyć, što hety praces pavinien być piermanientnym.
Nahadajem, pryznačajučy akciora na pasadu, Łukašenka daručyŭ jamu «pamierci, ale navieści paradak». Stanovišča spraŭ u biełaruskim kino jon nazvaŭ hańbaj. Čarniecki, darečy, z hetym pahadziŭsia: u intervju jon skazaŭ, što jamu heta było zrazumieła daŭno.
«Toje, jak heta ŭsio raźvivajecca, ja bačyŭ, pracujučy niepasredna ŭnutry kinavytvorčaści. Heta było skazana dla ŭsioj krainy, kab było zrazumieła, što naša kino pavinna vychodzić na zusim inšy ŭzrovień», — rastłumačyŭ słovy Łukašenki ministr.
Niadaŭna Čarniecki, jaki za žyćcio pamianiaŭ šmat prafiesij, vystupiŭ jašče i ŭ vobrazie rokiera: jon prezientavaŭ svoj klip na pieśniu «Ja — biełarus», u jakim plavaŭsia ŭ vydumanych vorahaŭ.
«Budzie zdymać maštabnyja prajekty z saboj u hałoŭnaj roli». Što dumajuć pra novaha ministra kultury Čarnieckaha jaho kalehi?
Novy ministr kultury vypuściŭ klip — plujecca ŭ vydumanych vorahaŭ
Novy ministr kultury rasparadziŭsia zdymać filmy pra vajnu i sialan. I paabiacaŭ praryŭnaje kino
Aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń58
Kamientary