Novy ministr kultury rasparadziŭsia zdymać filmy pra vajnu i sialan. I paabiacaŭ praryŭnaje kino
Rusłan Čarniecki voźmiecca za kiniematohraf, jaki Łukašenka nazvaŭ hańbaj.
Novy ministr kultury i akcior Rusłan Čarniecki zajaviŭ, što najvažniejšym z mastactvaŭ źjaŭlajecca kino.
Čynoŭnik adznačyŭ, što pierš za ŭsio zojmiecca mienavita hetaj spravaj, piša BiełTA.
Čarniecki akreśliŭ, na jakija temy nieabchodna zdymać kino ŭ Biełarusi. Adkryćciom heta nie stała.
«Pieramoha, tema vajny — jana asablivaja. Jana zaŭsiody na asobnym rachunku, i ŭ nas. Pra heta treba praciahvać zdymać, i my budziem heta rabić.
Tamu što, jak pakazvaje vopyt, troški zabyvaje narod. Biełarusy nie vielmi zabyvajuć, a inšyja narody, byvaje, zabyvajuć, i treba im pra heta nahadvać», — zajaviŭ ministr.
Akramia taho, Čarniecki prapanavaŭ zdymać filmy pra sialan.
«Dumaju, hledaču našamu budzie vielmi cikava. Ja zaŭsiody ź vielmi vialikaj pašanaj, pavahaj i ŭdziačnaściu staviŭsia da našych pracaŭnikoŭ: sialan, rabočych na zavodach, prostych rabotnikaŭ… Vielmi chaciełasia b raskazać pra pracu hetych ludziej. Jany majuć patrebu ŭ tym, kab pra ich raskazvali našamu hledaču», — miarkuje čynoŭnik.
Akramia taho, Čarniecki paabiacaŭ biełaruskaje kino, jakoje «sapraŭdy prahrymić». Pavodle jaho słoŭ, Biełaruś rychtuje «praryŭny kinaprajekt», adnak nijakich detalaŭ ministr raskryvać nie staŭ.
«Davajcie biez spojleraŭ. Ale tym nie mienš takija namiotki ŭžo jość. Viaducca raboty, užo jość u raspracoŭcy prajekt, jaki sapraŭdy prahrymić. I heta budzie praryŭ», — adznačyŭ Čarniecki.
Pryznačajučy akciora na pasadu ministra kultury, Alaksandr Łukašenka nazvaŭ toje, što adbyvajecca ŭ biełaruskim kino, hańbaj.
«My z vami nie pa čutkach viedajem, što takoje kultura ŭ našaj krainie». Što havaryłasia na pradstaŭleńni novaha ministra kultury
«Budzie zdymać maštabnyja prajekty z saboj u hałoŭnaj roli». Što dumajuć pra novaha ministra kultury Čarnieckaha jaho kalehi?
Aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
Ministra pa padatkach adpravili ŭ Mahiloŭ na novuju pasadu
Eks-ministra Karlukieviča źniali z pasady hałoŭnaha redaktara haziety «Źviazda»
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary