Bajden: Kala 80 tysiač vajskoŭcaŭ ZŠA razhornutyja ŭ Jeŭropie dla strymlivańnia ahresii Rasii
Na terytoryi jeŭrapiejskich krain NATO razhornuta kala 80 tysiač amierykanskich vajskoŭcaŭ u padtrymku sajuźnikaŭ ZŠA, a taksama dla strymlivańnia dalejšaj rasijskaj ahresii. Pra heta havorycca ŭ licie prezidenta ZŠA Džo Bajdena śpikieru Pałaty pradstaŭnikoŭ i Staršyni Sienata ab spravazdačy ab vajennych paŭnamoctvach, apublikavanym Biełym domam
U liście havorycca, što «ŭ padtrymku antyterarystyčnych namahańniaŭ Złučanyja Štaty praciahvajuć supracoŭničać z partniorami pa ŭsim śviecie».
«U hetym kantekście Złučanyja Štaty razharnuli siły dla praviadzieńnia antyterarystyčnych apieracyj, a taksama dla kansultavańnia, dapamohi i supravadžeńnia sił biaśpieki asobnych zamiežnych partnioraŭ u antyterarystyčnych apieracyjach».
Prykładna 80 000 vajskoŭcaŭ Uzbrojenych sił Złučanych Štataŭ pryznačanyja abo razhornutyja ŭ krainach Arhanizacyi Paŭnočnaatłantyčnaj damovy ŭ Jeŭropie, u tym liku dla zaspakajeńnia našych sajuźnikaŭ i strymlivańnia dalejšaj rasijskaj ahresii», — havorycca ŭ liście.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary