«Čałaviek 500 minimum staić». Minčuki vystrailisia ŭ hihanckuju čarhu, kab biaspłatna pakatacca na kańkach
Błohier pakazaŭ, jakaja vialikaja čarha sabrałasia ŭčora ŭ Minsku la adkrytaj koŭzanki na Niamizie. Pryčyna prazaičnaja: adzin viečar pakatacca tam možna było biaspłatna.
Mužčyna tłumačyć: zvyčajna košt kvitka na koŭzanku składaje 3 rubli. Jon pakazvaje čarhu, kanca jakoj niabačna.
— I ŭsio, kab sekanomić dalar, — kaža jon. — Nie kab pryjści ŭ budni dzień i prosta pakatacca za 3 rubli. Ludzi prucca… Ja nie viedaju, kolki tut treba prastajać. Hadziny dźvie, mabyć, try.
Heta była akcyja ad mabilnaha apieratara Life, jakaja prajšła ŭviečary 3 śniežnia. Dziela spraviadlivaści varta adznačyć, što tym, chto pryjšoŭ, abiacali nie tolki biaspłatnyja bilety na koŭzanku. Hości taksama mahli biaspłatna ŭziać u arendu kańki. Ich častavali haračymi napojami i ŭručali padarunki. Pracavała śviatočnaja fotazona. Rekamiendavali prychodzić minimum za 30 chvilin da pačatku sieansu.
Siezonnaja mabilnaja koŭzanka la Pałaca sportu pačała pracavać 22 listapada i budzie adkryta prykładna da 1 sakavika. Pieršy sieans pačynajecca ŭ 10:00, apošni — u 23:00. Da novaha siezona na koŭzancy palepšyli aśviatleńnie.
Treba adznačyć, što z cenami błohier usio ž pamyliŭsia. Pa budniach bilet na koŭzanku kaštuje 6 rubloŭ. Stolki ž — prakat kańkoŭ. A ŭ vychodnyja i śviaty košt kvitka składaje 7 rubloŭ.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary