Były kiraŭnik «Biełsata» Alaksiej Dzikavicki ŭznačalić prajekt pa stvareńni stryminhavaj płatformy dla niezaležnych biełaruskich miedyja Belarus Tomorrow. Pra heta jon paviedamiŭ u fejsbuku.
Belarus Tomorrow — heta małady prajekt pa stvareńni videa-płatformy dla niezaležnych biełaruskich miedyja, patłumačyŭ Alaksiej.
«Meta Belarus Tomorrow u tym, kab pasprabavać sabrać hety videa-kantent na adnoj płatformie, ahulnymi namahańniami palepšyć jakaść dy stvaryć na pačatku pratatyp ahulnaj sietki viaščańnia, a ŭ vyniku — zakłaści padmurak dla stvareńnia budučaha, całkam biełaruskaha, hramadskaha telebačańnia», — napisaŭ jon.
Alaksiej Dzikavicki dałučyŭsia da prajekta ŭ jakaści hałoŭnaha mieniedžara. «Praktyčna ŭsio treba pačynać z nula», z abmiežavanymi srodkami i nievialikaj kamandaj, piša Dzikavicki. Jon spadziajecca, što z prajekta vyraście «sapraŭdnaje telebačańnie».
Jon dadaŭ, što, raźvitvajučysia z «Biełsatam», nie viedaŭ pra vakansii ŭ Belarus Tomorrow — prapanova stała dla jaho niečakanaściu.
Alaksiej Dzikavicki pracavaŭ na «Biełsacie» z časoŭ jaho stvareńnia.
Paśla zvalnieńnia kiraŭnicy kanała Ahnieški Ramašeŭskaj jon staŭ vykonvać abaviazki dyrektara. Ale stać kiraŭnikom jamu nie prapanavali. Dzikavicki padaŭ zajavu ab zvalnieńni. Kiraŭnicaj «Biełsata» była pryznačanaja Alina Koŭšyk, jakaja da 2022 hoda pracavała na kanale, a potym pajšła ŭ palityku, adkazvała za nacyjanalnaje adradžeńnie ŭ Abjadnanym pierachodnym kabiniecie.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma2
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary