Kali muzyka pakidaŭ scenu, fanaty pačali kryčać: «Pakažy pierałom!» A «Ściana» vystupała basanož.
26 lutaha MAUZER daŭ u Minsku akustyčny kancert. Ale zapłanavanaj prezientacyi alboma «Porna», praŭda, nie adbyłosia.
Kancert u kłubie «Reaktar» sabraŭ paru socień čałaviek. Było vidavočna, što jany pryjšli pasłuchać nie AKUTE, jaki vyjšaŭ na scenu pieršym, a inšuju mahiloŭskuju kamandu — MAUZER. Chacia prysutničała cikavaść i da hurtu, jaki paŭstaŭ na reštkach «Hlukaŭ».
Intryha z vystupam MAUZERa była ŭ tym, što na minułym tydni kamandu pakinuli adrazu dva muzyki. A jašče lider hurtu Janka na repietycyi złamaŭ nahu. I tamu treba było admianiać kancert ci rabić akustyku. Apošniaha varyjantu, biezumoŭna, nie čakali. Moładź chacieła pasłemicca, paskakać, jak toje lubić i sam Janka Maŭzier.
Ale hurt nichto nie aśvistaŭ. Naadvarot, padtrymlivali vokličami, plaskali ŭ dałoni.
Muzyka patłumačyŭ sychod bubnača i basista tym, što jany vyrašyli «praciahnuć karjeru ŭ Piciery, bo tam muzyka cikaviejšaja i płaciać bolš. Tamu my siońnia hrajem udvuch. Takaja łaža atrymlivajecca krutaja. Zatoje ja narešcie zajmusia tym, što lublu akramia seksu — pačytaju vieršy».
Vieršy Janka i sapraŭdy čytaŭ. I śpiavaŭ. Tolki vystup byŭ niepraciahłym. Adyhrać całkam u akustycy novy albom niemahčyma, chacia niekalki piesień prahučali.
Kali muzyki pakidali scenu, fanaty pačali kryčać: «Pakažy pierałom!» I tak nastojliva, što Janka nie zmoh praihnaravać.
«Chto choča ŭbačyć pierałom — tamu treba na BT».
Maŭlaŭ, tam patrebny ludzi, jakija zajmajucca vykryćciom.
Što musiŭ zrabić MAUZER, zrabiła «Ściana». Tyja, chto paśla papiaredniaha vystupu adyšoŭ ci sabraŭsia sychodzić zusim, prymusili viarnucca bieraściejskija muzyki. Hurt zapaliŭ. Kancert pieratvaryŭsia ŭ prezientacyju ich novaha alboma «Kropka viartańnia».
A što MAUZER? Janka paabiacaŭ u chutkim časie pryjechać u Minsk z elektryčnym kancertam. A pakul treba šukać novych muzykaŭ. I zalečvać rany.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary