Minadukacyi zaćvierdziła 10 «zapavietaŭ» dla školnikaŭ i baćkoŭ
Ministerstva adukacyi Biełarusi apublikavała praviły dla navučencaŭ i praviły dla baćkoŭ, jany raźmieščanyja na sajcie viedamstva.
Dla vučniaŭ i ich baćkoŭ raspracavany kodeks z 10 praviłaŭ. U adukacyjnym pracesie navučency pavinny kiravacca nastupnymi praviłami:
- Być patryjotami svajoj krainy, małoj radzimy i svajoj škoły.
- Być vietlivymi i dobrazyčlivymi ŭ znosinach z nastaŭnikami, a taksama sumlennymi i ščyrymi.
- Aktyŭna ŭdzielničać u hramadskim žyćci ŭstanovy adukacyi.
- Sumlenna vučycca, imknucca da jakasnaha asvajeńnia viedaŭ, umieńniaŭ, navykaŭ, samaŭdaskanaleńnia, raźvićcia zdolnaściej.
- Vykonvać praviły pavodzin navučencaŭ, abaviazki navučencaŭ i praviły ŭnutranaha rasparadku škoły.
- Pavažać členaŭ svajoj siamji, nastaŭnikaŭ, školnikaŭ i inšych udzielnikaŭ adukacyjnaha pracesu.
- Vykonvać patrabavańni nastaŭnikaŭ i baćkoŭ pa vykarystańni mabilnych telefonaŭ, pryład dla videazapisu, internet-kamunikacyi, vykonvać praviły pavodzin u internecie.
- Vykarystoŭvać dziełavy styl adzieńnia, mieć akuratny źniešni vyhlad, padtrymlivać paradak na svaim pracoŭnym miescy.
- Pavažać nacyjanalnyja i relihijnyja pačućci ŭsich udzielnikaŭ adukacyjnaha pracesu.
- Bieražliva adnosicca da majomaści škoły.
Baćki ŭ svaju čarhu taksama źjaŭlajucca ŭdzielnikami adukacyjnaha pracesu, tamu dla ich ustalavany adpaviednyja praviły:
- Zabiaśpiečvać umovy dla vychavańnia, atrymańnia adukacyi i raźvićcia svaich dziaciej.
- Sumlenna i jakasna vykonvać abaviazki baćkoŭ, być prykładam dla dziaciej.
- Stvaryć usie ŭmovy, nieabchodnyja dla vučoby, sacyjalizacyi, umacavańnia zdaroŭja, samaraźvićcia i samarealizacyi dziciaci, abaraniać jaho pravy i zakonnyja intaresy.
- Zabiaśpiečvać vykanańnie dziećmi patrabavańniaŭ nastaŭnikaŭ.
- Uchilacca ad kanfliktaŭ u adnosinach z nastaŭnikami, inšymi baćkami, być vietlivymi, dobrazyčlivymi i taktyčnymi.
- Padtrymlivać z udzielnikami adukacyjnaha pracesu kanstruktyŭnyja i davierlivyja adnosiny, uzajemadziejničać z nastaŭnikami pa pytańniach vychavańnia i navučańnia dziaciej.
- Spryjać stvareńniu pazityŭnych adnosin u kalektyvie navučencaŭ i baćkoŭskaj supolnaści.
- Vykonvać etyčnyja pryncypy i praviły pavodzin, u tym liku ŭ internet-prastory.
- Być stanoŭčym prykładam dla dziciaci svaim źniešnim vyhladam, pavodzinami i kulturaj znosin.
- Imknucca da pavyšeńnia svajoj psichałahična-piedahahičnaj kampietentnaści.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak30
Kamientary
Kamunianie maje ŭlublonyja, prychilnyja "darmovaje" adukacyi i pazytyŭnych pravoŭ! Da vas źviartajusia! Vy ž razumiejecie, što
Ja Niaje MOHU INAČIE)))?