Kandydatam u prezidenty Hruzii ad kiroŭnaj partyi staŭ były futbalist
«Hruzinskaja mara» nazvała kandydata ŭ prezidenty: heta były futbalist, 53-hadovy Michaił Kaviełašvili. Imia na bryfinhu nazvaŭ asabista zasnavalnik HM i hanarovy staršynia Bidzina Ivanišvili.
Kaviełašvili, jaki ŭ 1980-ja hulaŭ za tbiliskaje «Dynama», uvachodzić u lik paplečnikaŭ «Mary», jakija farmalna vyłučylisia ŭ partyju «Siła naroda» i byli viadomyja rezkimi antyzachodnimi zajavami, paviedamlaje Newsgeorgia.ge.
Prezidenckija vybary ŭ Hruzii projduć 14 śniežnia i buduć pravodzicca pavodle novaj sistemy praz kalehiju vybarščykaŭ. U jaje ŭvojduć 300 členaŭ: usie 150 deputataŭ parłamienta, deputaty Viarchoŭnych savietaŭ Adžaryi i Abchazii — 21 i 20 adpaviedna, i 109 delehataŭ ad municypalnych savietaŭ.
Dla pieramohi ŭ pieršym tury kandydat pavinien nabrać nie mienš za dźvieście hałasoŭ. Kali spatrebicca druhi tur, jon adbudziecca ŭ toj samy dzień. Vybary projduć u budynku parłamienta.
Sałomie Zurabišvili zaniała hetu pasadu ŭ 2018 hodzie pry padtrymcy «Hruzinskaj mary», ale paźniej razyšłasia ź linijaj partyi.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»2
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary