Cambridge Dictionary (Kiembrydžski słoŭnik) nazvaŭ słovam 2024 hoda dziejasłoŭ «manifiestavać» («manifest»). Ab hetym arhanizacyja paviedamiła na svaim sajcie.
Zhodna z vyznačeńniem univiersiteta, «manifiestavać» aznačaje «vykarystoŭvać mietady, takija jak vizualizacyja i afirmacyja, kab dapamahčy sabie ŭjavić dasiahnieńnie čaho-niebudź žadanaha, ź vieraj, što heta dapamoža hetaha dasiahnuć».
Karystalniki internetu šukali hetaje słova amal 130 tysiač razoŭ na praciahu hoda. Jak ličać u Kiembrydžy, hety dziejasłoŭ «spyniŭ svajo asnoŭnaje vykarystańnie ŭ supolnaści samadapamohi i ŭ sacyjalnych sietkach i staŭ šyroka ŭzhadvacca ŭ asnoŭnych ŚMI».
Jaho vykarystoŭvali viadomyja artysty, spartsmieny i ŭpłyvovyja pradprymalniki. Siarod ich byli himnastka Simona Bajłz, lohkaatlet Ezra Frech, śpiavački Sabryna Karpienter i Dua Lipa.
«Kali my abirajem słova hoda pa viersii Kiembrydžskaha słoŭnika, my kirujemsia tryma faktarami: danymi pra karystalnikaŭ, ducham času i movaj», — patłumačyŭ mieniedžar pa vydavieckaj dziejnaści Viendalin Nikołs.
U Kiembrydžy adznačyli, što słova «manifiestavać» isnuje ŭžo niekalki stahodździaŭ, ale jaho značeńnie źmianiłasia. Spačatku hety dziejasłoŭ, što pryjšoŭ u anhlijskuju movu z łaciny i francuzskaj, aznačaŭ «lohka zaŭvažny abo vidavočny», a potym — «pakazać niešta jasna».
«Manifiestavać» abyšło ŭ baraćbie za tytuł słova hoda takija, jak «brat» («brat»), «ekataryjaniec» («ecotarian») i «stojkaść» («resilience»).
Uvahu śpiecyjalistaŭ Kiembrydžskaha słoŭnika ŭ 2024 hodzie taksama pryciahnuli słovy «kvišynh» («quishing»), «resentyizm» («resenteeism»), «džymflujensar» («gymfluencer»), «vampir» («vampire») i vyraz «prablema kaktejlnaj viečarynki» («cocktail party problem»)
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś2
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary