Biełaruska śćviardžaje, što pradstaŭnik Cichanoŭskaj u Kijevie Mańko skraŭ jaje sabaku. Što?
Biełaruska Iryna Pijantaška narakaje, što jaje lubimaha sabaku, kavaler-kinh-čarlz-spaniela pa mianušcy Šani, zabraŭ sabie i admaŭlajecca viartać Hienadź Mańko, staršynia Misii demakratyčnaj Biełarusi ŭ Kijevie, delehat frakcyi «Vola» ŭ Kaardynacyjnaj radzie.
Iryna pierajechała ŭ Polšču ŭ 2021 hodzie, atrymała tam status dadatkovaj achovy. U žniŭni 2024-ha była vymušanaja ruchacca dalej i pierajechać u Partuhaliju pa pracy.
«Ja chacieła ŭziać sabaku z saboj, ale znajomyja ŭpeŭnili mianie, što lepš budzie zabrać sabaku, kali ja ŭładkujusia na miescy i zmahu zabiaśpiečyć jamu tam umovy pražyvańnia», — raskazvaje Iryna.
Pa słovach žančyny, Hienadź Mańko, ź jakim jany paznajomilisia ŭ Varšavie ŭ Domie tvorcaŭ, dzie Iryna žyła niejki čas, prapanavaŭ joj dahledzieć sabaku, pakul Iryna ŭładkujecca ŭ novaj krainie.
«Mianie zapeŭnili, što Mańko vielmi lubić sabak. Ja addała jamu Šani z pašpartam i asabistymi rečami pierad svaim adjezdam. Ale pierad hetym vyrazna zajaviła, što heta nie nazaŭsiody. Jon skazaŭ mnie, što ja ŭ luby momant mahu pryjechać i zabrać sabaku», — dadaje abstaviny historyi žančyna.
U vyniku, raskazvaje Iryna, kali jana praz dva miesiacy napisała, što hatovaja zabrać Šani, joj adkazali, što heta niemahčyma: novyja haspadary byli ŭpeŭnienyja, što sabaka byŭ pieradadzieny im nazaŭsiody.
Hienadź Mańko śćviardžaje, što, kali b viedaŭ, što za sabakam prosiać pahladzieć časova, jaho siamja b na heta nie pajšła:
«Jana (Iryna — NN) uprasiła mianie, nieznajomaha joj čałavieka, majučy syna ŭ Varšavie i siabroŭ, zabrać hetaha Šani, bo joj nie było kudy jaho padzieć. Ja joj adrazu skazaŭ, što pracuju va Ukrainie, a žonka ŭ mianie žyvie ŭ inšaj krainie. I što ja nie zajmajusia raźviadzieńniem i ŭtrymańniem sabak, ich pieratrymkaj. I kali addaješ, to addaješ. Inakš — šukaj inšy varyjant. Ja paprostu pajšoŭ čałavieku nasustrač».
Nieparazumieńnie pamiž bakami paćviardžajecca skrynšotami listavańnia, jakija maje Redakcyja. Na ich vidać, što kali Iryna ŭ pieršy raz piša žoncy spadara Mańko pra toje, što abmiarkoŭvaje z haspadarami ŭ Partuhalii chutki pryjezd sabaki, taja niepryjemna ździŭlajecca.
Videa, u jakim žonka Hienadzia Mańko pradstaŭlaje sabaku jak ich novaha hadavanca
Pa vyniku siamja Mańko patłumačyła: raz heta była pieratrymka, to jany vystaviać za jaje rachunak.
«Mnie skazali, što kali ja chaču viarnuć sabaku, to mušu zapłacić za jaje ŭtrymańnie — 25 jeŭra za sutki. Ludzi tak «palubili» Šani, što nie mohuć ź im rasstacca, ale hatovyja zrabić heta za 1200 jeŭra», — nie chavaje emocyj Iryna i dadaje, što kupiła Šani za tysiaču dalaraŭ, ale dla jaje jon kaštoŭny najpierš tym, što sabaka — heta jaje siamja.
«Ja chacieła zabrać sabaku, zapłacić za ŭtrymańnie adekvatnuju sumu, a nie tysiačy jeŭra, i być udziačnaj hetym ludziam usio astatniaje žyćcio…»
Ale pa vyniku Iryna ad biaśsilla vyrašyła apubličyć kanflikt, a taksama nakiravała zvarot u palicyju z prośbaj paspryjać u viartańni hadavanca.
Asnoŭnaja prablema ŭ tym, što damoŭlenaść pamiž Irynaj i Hienadziem była vusnaja. I ciapier usio, što mohuć zrabić abodva baki, heta znoŭ pieradamovicca.
«Našaj Nivie» Hienadź Mańko paabiacaŭ, što pa svaim viartańni z Ukrainy sam źviažacca ź Irynaj i ŭrehuluje situacyju. Jon nie razumieje, čamu žančyna padniała publičnuju infarmacyjnuju chvalu z abvinavačvańniami, pierš čym damovicca ź imi da kanca asabista.
«Ja nie suprać viarnuć sabaku, ale jana pačała z chłuśni, što ja skraŭ u jaje sabaku, što ja machlar… Pytańnie nie ŭ hrošach, a ŭ tym, što takija chitramudryja vyrašajuć svaje pytańni jak chočuć, pahražajučy niejkimi kałamutnymi sposabami. Kali b jana prosta pryjšła, pazvaniła mnie: «Hiena, ja niešta pierabłytała, addała sabaku, bo dumała, što buduć prablemy, a ciapier u mianie jość umovy jaje ŭtrymlivać»… Jana b jaho zabrała, mnie ničoha nie treba…»
U svaju čarhu Iryna kaža, što bolš nie choča vieści dyjałoh z tymi, chto zabraŭ jaje sabaku i prynios joj stolki emacyjnych pieražyvańniaŭ, biez advakata:
«Ja źviarnułasia ŭ palicyju, i vielmi spadziajusia, što chutkim časam usio vyrašycca».
U Brytanii pamierła samaja staraja kotka ŭ śviecie. Joj było 33 hady
Nie kvadrobierami adzinymi. Niefarmały 2000-ch raskazali, čamu było niebiaśpiečna stanavicca ema i jak źjadańnie kormu z sabačaj miski dapamahaje intraviertam
«Parvaŭ-pahryz usio cieła». Kot pravaabaroncy Sysa brutalna napaŭ na jaho žonku, taja trapiła ŭ balnicu
Ciapier čytajuć
U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym2
Kamientary
Cikaŭnaści, uzrovień kultury i h.d.