Śviet2121

Syn Trampa mnohaje vyrašaje. Voś jak tłumačać niavybar Pampiea

Donald Tramp-małodšy stanovicca ŭsio bolš upłyvovym. Havorać taksama pra rost upłyvu miedyjapiersony Takiera Karłsana.

Majk Pampiea. Fota: AP Photo / Chris Szagola

Donald Tramp u niadzielu abjaviŭ, što były dziaržsakratar i kiraŭnik CRU Majk Pampiea, a taksama byłaja pradstaŭnica ZŠA ŭ AAN Niki Chejli nie buduć častkaj jaho druhoj administracyi.

U vypadku ź Niki Chejli heta moža być źviazana ź jaje ŭdziełam u prajmieryz suprać Trampa — piša The Wall Street Journal (WSJ). Niahledziačy na toje, što jana padtrymała jaho na ahulnych vybarach, Tramp, zdajecca, nie zabyŭsia pra kinuty joju vyklik.

Adnak niavybar Pampiea vyhladaje bolš zahadkava. Jon słužyŭ Trampu vierna na praciahu ŭsiaho pieršaha terminu, zajmajučy pasady dyrektara CRU i dziaržsakratara. Čamu ž jaho vyklučyli?

Pavodle WSJ, heta źviazana z rostam upłyvu Trampa-małodšaha i jaho chaŭruśnikaŭ, uklučajučy miedyjapiersonu Takiera Karłsana. Jany aktyŭna prasoŭvajuć Džej Dzi Vensa jak nastupnika Trampa i chočuć pieraškodzić inšym patencyjnym kandydatam, jak Pampiea, atrymać vysokija pasady, bo heta mahło b uzmacnić ich palityčny ŭpłyŭ.

Akramia taho, jość roznahałośsi ŭ źniešniaj palitycy. Pampiea i Chejli padtrymlivajuć aktyŭnuju rolu ZŠA na mižnarodnaj arenie, uklučajučy padtrymku Ukrainy, NATA i azijackich sajuźnikaŭ. Tramp-małodšy i jaho kamanda chočuć skaracić hetyja abaviazacielstvy.

Vydańnie cytuje adnaho z prychilnikaŭ ruchu MAGA (Make America Great Again — «Zrobim Amieryku znoŭ vialikaj» — asnoŭny łozunh Trampa), jaki napisaŭ u sacsietkach: «Ruch «spynić Pampiea» cudoŭny, ale hetaha niedastatkova. Nam treba maksimalna nacisnuć, kab nie dapuścić nieakonaŭ [nieakansiervataraŭ] i vajennych jastrabaŭ u administracyju Trampa». Tramp-małodšy pierapościŭ heta z kamientarom: «Zhodny na 100% 100% 100%!!! Mienavita hetym ja i zajmajusia».

Hetyja padziei śviedčać pra toje, što ŭnutranaja baraćba za ŭpłyŭ u novaj administracyi Trampa ŭžo pačałasia. Vyhladaje na toje, što syn prezidenta budzie mieć značny ŭpłyŭ na pryniaćcie rašeńniaŭ. Jakija heta budzie mieć nastupstvy dla budučyni ZŠA i rasijska-ŭkrainskaj vajny, pakul što pad vialikim pytańniem.

Kamientary21

  • babrujčanin
    12.11.2024
    30 hod tamu siamiejka i kamrady aliharchi taksama pobač pa susiedzki dZiemakracyju słoŭ svabodu prapanoŭvali
    U 96 hodzie rol " miratvorcaŭ kamunikataraŭ " vykonvali ..
    Pa pieršaje i pa siemaje Sieḿja aliharchi ab svajem zachavańni kłapaciliś
  • From there
    12.11.2024
    Pompieo buduči diriektorom CRU orhanizovał ubijstvo. On nie idiealnyj vybor dla novoj administracii. Počiemu NN piarit etu fihuru?
  • American
    12.11.2024
    No, Samyje nadiežnyje sovietniki. Dieti amierikanskich politikov často lezut na hosdołžnisti. Dieti Trampa sovietujut i pomohajut jemu. Čto v połnie normalno učityvaja kakoje soprotivlenije imiejet Tramp v sriedie korumpirovannoj biurokratii. Ludiam tipa tiebia nie raźbirajuŝichsia v amierikanskoj politikie łučšie sosriedotočitsia na ličnych problemach, a nie komientirovať to čieho oni nie ponimajut.

Ciapier čytajuć

U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym4

U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym

Usie naviny →
Usie naviny

Tramp nie źbirajecca padpisvać zajavu G7 pa pytańni izrailska-iranskaha kanfliktu

Čamu rasijanie addali ŭkraincam cieły zabitych, a tyja — nie?7

Kolkaść vakansij u Biełarusi ŭ 54 razy bolšaja, čym zarehistravanych biespracoŭnych1

Dla ahrasiadzib rychtujuć novyja abmiežavańni2

Biełarusaŭ papiaredzili pra vizavuju pastku pry naviedvańni Sierbii i Čarnahoryi2

Mierc kateharyčna suprać pasiarednictva Pucina na Blizkim Uschodzie2

Maładuju vykładčycu anhlijskaj movy asudzili za ŭdzieł u pratestach4

MUS Ukrainy: Rasija razam ź ciełami ŭkrainskich vajskoŭcaŭ pieradaje i rasijskich1

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA34

bolš čytanych navin
bolš łajkanych navin

U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym4

U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym

Hałoŭnaje
Usie naviny →

Zaŭvaha:

 

 

 

 

Zakryć Paviedamić