82-hadovy prezident Zimbabve — 70-hadovamu Łukašenku: Na poŭnačy žyćcio ludziej praściejšaje, tamu jany pamirajuć chutčej
Na klimatyčnym samicie ŭ Baku dva pažyłyja palityki abmianialisia kamplimientami.
Prezident Zimbabve Emiersan Mnanhahva, jakomu 82 hady, pahutaryŭ z 70-hadovym Łukašenkam pra ŭzrost.
Palityki pry sustrečy na klimatyčnym samicie ŭ Baku abmianialisia kamplimientami. Łukašenka zajaviŭ, što rady bačyć Mnanhahvu aktyŭnym i žyćciaradasnym, niahledziačy na ŭsie prablemy ŭ śviecie. Toj u daŭhu nie zastaŭsia.
«I vam taksama moj kamplimient — vydatna vyhladajecie. I maładziejšym», — zaŭvažyŭ 82-hadovy Mnanhahva.
«Nu, napeŭna, nie zusim», — kakietliva adkazaŭ Łukašenka.
«U paraŭnańni sa mnoj vy jak junak vyhladajecie», — vyrašyŭ raźvić temu prezident Zimbabve.
Łukašenka adznačyŭ, što nielha paraŭnoŭvać paŭnočnych ludziej z paŭdniovymi: «Jany značna bolš efiektyŭnyja, bolš aktyŭnyja i zdarovyja».
Mnanhahva zaśmiajaŭsia i raptam u razmovie z 70-hadovym «paŭnočnikam» vyrašyŭ parazvažać, čamu na poŭnačy ludzi pamirajuć raniej.
«Žyćcio ludziej na poŭnačy praściejšaje, tamu pamirajuć jany chutčej. A ŭ nas na poŭdni žyćcio ciažkaje, i žyć davodzicca daŭžej», — padzialiŭsia mudraj dumkaj Mnanhahva.
«Heta tak», — niejak sumna zaŭvažyŭ Łukašenka.
«Mnie 82 hady. Tamu, hledziačy na vas, ja baču svajho maładoha-maładoha-maładoha brata», — dadaŭ prezident Zimbabve.
A Łukašenka vyrašyŭ zakruhlić temu na pazityŭnaj dla jaho nocie: «Dziakuj. Ale tym nie mienš my źbirajemsia z vami jašče žyć, i nie adzin hod. I nam treba budzie niamała zrabić».
Darečy, Mnanhahva, paŭnamoctvy jakoha minajuć u 2028 hodzie, letam zajaviŭ, što na treci termin nie pojdzie.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary