Huk, padobny da vybuchu, čuli čytačy «Našaj Nivy» ŭ roznych rajonach horada.
Huk, padobny da vybuchu, čuli ludzi ŭ roznych rajonach horada: ad Malinaŭki da Baraŭlan.
«Na Zialonym Łuzie vielmi hučna, i dom treścisia pačaŭ».
«Ja na Sucharavie, mnie ledź dźviery ad bałkona ŭ ruki nie prylacieli».
«Minsk Śviet» — dobra było čuvać».
«Padumała, što vybuch», — pišuć u čatach z Malinaŭki. «U HC — až vokny treślisia» — paviedamlajuć ź Niamihi.
«I ŭ vioscy pobač z Uruččam».
«Na Kamiency taksama až dźviery zadryžali».
«Mianie na Minskim mory navat udarnaju chvalaj trochi padšturchnuła».
«Na Ždanach u niekatorych mahazach tynkoŭka posypałasia».
«U Smalavičach taksama było čuvać».
Mahčyma, heta samalot pierajšoŭ na zvyšhuk.
Aficyjnaj infarmacyi pakul niama.
Dapoŭniena. Praź dźvie hadziny źjaviŭsia kamientar Minabarony. Paviedamlajecca, što prachodzić płanavaja pravierka dziažurnych sił SPA.
«Siońnia ŭ ramkach pravierki dziažurnych sił pa SPA, jakaja pravodzicca pad kiraŭnictvam načalnika Hienieralnaha štaba Uzbrojenych sił Paŭła Muraviejki, byŭ padniaty ekipaž źniščalnika Su-30 SM.
Dziejničajučy pa zadadzienaj u miežach pravierki kantrolnaj celi, samalot pavialičyŭ chutkaść pry nabory vyšyni, kab pierachapić vučebnuju kantrolnuju cel. U takich vypadkach pavietranaje sudna pierachodzić na zvyšhuk. Pry hetym moža ŭźnikać adčuvalny hukavy efiekt. Režym palotu samalota adpaviadaŭ praviłam biaśpieki palotaŭ», — paviedamiła aficyjnaja pradstaŭnica viedamstva Natalla Haŭrusik.
-
Antanina Kanavałava raskazała, jak jaje prymušali padpisać prašeńnie pra pamiłavańnie
-
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie
-
«Chapaj jaje za azadak, zaciahni ŭ tualet». U Varšavie zajavili ŭ prakuraturu na pikap-treniera ź Biełarusi Aleksa Leśli
Ciapier čytajuć
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie16
Kamientary
spačatku vybuchnuła, a potym huk samalotu (ci što tam..)