«Sproby pierapisać historyju stali jašče bolš lutymi». Łukašysty źviarnuli ŭvahu na asartymient biełaruskich kniharniaŭ
Pradstaŭlenaja ŭ biełaruskich kniharniach histaryčnaja litaratura «pavinna adpaviadać našaj dziaržaŭnaj histaryčnaj palitycy», zajaviŭ 15 kastryčnika na pasiadžeńni Respublikanskaj rady pa histaryčnaj palitycy pry administracyi Łukašenki deputat Pałaty pradstaŭnikoŭ, były dyrektar Instytuta historyi NANB Viačasłaŭ Daniłovič.
«Da nas nie pavinna traplać ekstremisckaja litaratura», — dadaŭ Daniłovič.
Taksama jon padkreśliŭ, što ŭ fokusie ŭvahi rady buduć «temy kandydackich i doktarskich dysiertacyj».
Kiraŭnik administracyi Łukašenki Dźmitryj Kruty, jaki adnačasova kiruje i Respublikanskaj radaj pa histaryčnaj palitycy, zajaviŭ, što «paśla 2020 hoda sproby pierapisać historyju stali jašče bolš lutymi z boku i biehłaj apazicyi, i zachodnich palitykaŭ».
Adznačyŭšy, što «baraćba za zachavańnie našaha histaryčnaha minułaha, na žal, źjaŭlajecca nie mienš važnaj i nie mienš vostraj, čym ekanamičnaje supraćstajańnie, infarmacyjnaja baraćba ci navat niedzie vajennaja», Kruty nazvaŭ zadačaj rady «apieratyŭnaje reahavańnie na raznastajnyja pravakacyi, fejki», jakija, pavodle jaho śćviardžeńnia, na Biełaruś «ljucca štodnia».
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie2
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5050
Kamientary