Hurnievič Astapieniu: Razmaŭlać pa-rusku heta nie vybar biełarusaŭ, a naviazany vybar Maskvy
Žurnalist Dźmitryj Hurnievič u svaim telehram-kanale nie pahadziŭsia ź mierkavańniem biełaruskaha sacyjołaha nakont biełaruskamoŭnaj budučyni Biełarusi i žadańniem puścić moŭnaje pytańnie na samaciok.
U novym vypusku TOKu Ryhor Astapienia padzialiŭsia svaim bačańniem nacyjabudaŭnictva biełarusaŭ, u jakim vykazaŭ mierkavańnie, što kraina ŭžo nie budzie biełaruskamoŭnaj, a biełarusam varta dać svabodu i mahčymaść zarablać hrošy, a nie pieravučvać i naviazvać biełaruščynu. Maŭlaŭ, usio vyrašycca niejak samo, kali buduć roŭnyja ŭmovy.
Hurnieviča hetyja słovy Astapieni vielmi ździvili. Jon źviartaje ŭvahu na toje, što ich baćkam ubili ŭ hałovy, što jany savieckija ludzi – i mnohija ŭ heta pavieryli i pryniali, choć zusim nie chacieli hetaha. Infarmacyjny ŭpłyŭ i prapahandaj sfarmiravali i luboŭ da Rasii.
«Amal usia Biełaruś razmaŭlaje pa-rasiejsku nie tamu, što jana tak vyrašyła. Heta vyrašyli za ich u Maskvie, a miascovyja reniehaty zrabili ŭsio, kab ich pieravučyć».
«Ja nie vieru, što śviadomaść farmujecca sama. Heta zaŭsiody adbyvajecca ŭ kantekście, jaki farmujecca ŭładami, ŚMI, elitami, abstavinami abo vypadkovaściami. Ale čaściej akurat arhanizavana, dziaržavaj. Heta sadki, škoła, univiersitet», — pierakanany žurnalist.
Hurnievič ličyć zahannaj dumku, što situacyja svabodnaha vybaru ŭsio adrehuluje, bo ŭtvorany vakuum nieadkładna zapoŭniać bolš padrychtavanyja centry ŭpłyvu. Jon pierakanany, što rasijskija ahienty ŭpłyvu zmohuć realizoŭvać svaje intaresy pry takoj svabodzie lepš za biełarusaŭ.
«Kali b nichto na biełaruskich ziemlach nie zajmaŭsia adradžeńniem u pačatku XX stahodździa (pa-sutnaści stvareńniem), to nie było b praz 20 hod nijakich biełaruskich partyj, arhanizacyj, supołak i ŭ vyniku dziaržavy. Chaj sabie vasalnaj, ale arhanizavanaj adzinki pad nazvaj Biełaruś.
Jak kazaŭ śviaty Tamaš Akvinski, kali niešta krucicca, to značyć, što niechta heta krutanaŭ», — piša Hurnievič.
Hurnievič zhadžajecca, što biełaruskamoŭnaja Biełaruś pry našym žyćci heta sapraŭdy iluzija, ale kab nie źniknuć biełarusam jak nacyi, da jaje varta imknucca, a nie puskać spravu na samaciok, bo tady pracesam budzie kiravać niechta inšy.
«Naša Niva» — bastyjon biełaruščyny
PADTRYMAĆCiapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi16
Kamientary