Na śviatkavańni «Dažynak» u Kapylskim rajonie viaskoviec napaŭ z «ružačkaj» na staršyniu kałhasa
Trahiedyjaj ledź nie skončylisia «Dažynki» ŭ adnoj z haspadarak u vioscy Vialikaja Rajoŭka na Kapylščynie, paviedamiła pres-słužba prakuratury Minskaj vobłaści.
U kancy žniŭnia na viaskovym śviacie 54-hadovy pjany mužčyna dastaŭ sa śmietnicy šklanuju butelku, raźbiŭ jaje i z hetaj «ružačkaj» nakiravaŭsia na scenu, dzie kiraŭnik sielhaspradpryjemstva jakraz uznaharodžvaŭ najlepšych rabotnikaŭ.
Jak paviedamlajecca, na scenie abvinavačany pasprabavaŭ udaryć staršyniu kałhasa «ružačkaj» u hrudzi. Toj, adnak, rukoj zmoh advieści ŭdar, a prysutnyja viaskoŭcy zatrymali napadnika i ŭtrymlivali jaho da pryjezdu milicyi.
U vyniku ŭ staršyni byŭ parez na palcy pravaj ruki, jaki adnieśli da cialesnych paškodžańniaŭ, što nie paciahnuli za saboj karotkačasovaha rasstrojstva zdaroŭja.
Napadniku inkryminujuć č. 3 art. 339 Kryminalnaha kodeksa (naŭmysnyja dziejańni, jakija hruba parušajuć hramadski paradak i zaśviedčvajuć vidavočnuju niepavahu da hramadstva, jakija supravadžajucca hvałtam z užyvańniem pradmietaŭ, jakija vykarystoŭvajucca ŭ jakaści zbroi dla pryčynieńnia cialesnych paškodžańniaŭ).
Da suda viaskoviec zastaniecca pad vartaj.
Kamientary
Niepadalok sceny rezka pryčalvaje trejera, adkul vyskokvaje vajskavy kamisar Palamed z kalehami i choča zahreści Ŭlisa baranić śviatuju achejskuju ziamlu ŭ Małoj Azyi.
Ŭlis ŭdaje varjata: pačynaje pramovu pra pieravykanańnie poŭścienarychtovak i ajci lift.
Palamed nie zdajecca adbivaje horła pifasa i kidajecca na Ŭlisavaha niemaŭla, staršynia saŭhasa Itaka vymušany pryznać sfalsifikavanaść statystyki spravazdačy pra nadojepakos, abuvaje kierzačy i adpłyvaje na specyjalnuju vajskavuju aperacyju abarony Achei ŭ Małoj Azyi