Cyrymonija ŭznaharodžańnia Alaksandra Łukašenki ordenam Andreja Pieršazvanaha prajšła ŭ Kramli. Padčas jaje Łukašenku daviałosia nizka schilicca pierad kiraŭnikom Rasii.
Orden Śviatoha apostała Andreja Pieršazvanaha — najvyšejšy dziaržaŭny orden Rasijskaj Fiederacyi (pieršy orden i najvyšejšaja ŭznaharoda ŭ Rasijskaj Impieryi). Uznaharoda była zasnavana ŭ kancy XVII stahodździa Piatrom I u honar apostała Andreja Pieršazvanaha.
Paśla Kastryčnickaj revalucyi orden, jak i ŭsie astatnija ŭznaharody Rasijskaj impieryi, byŭ skasavany. Adnak u 1998 hodzie ŭkazam Barysa Jelcyna jon byŭ adnoŭleny jak najvyšejšaja dziaržaŭnaja ŭznaharoda.
Pačynajučy z 1998 hoda, ordenam byli ŭznaharodžany 26 čałaviek. Siarod ich staršynia KNR Si Czińpin, premjer-ministr Indyi Narendra Modzi, ciapier užo byłyja kiraŭniki Azierbajdžana i Kazachstana Hiejdar Alijeŭ i Nursułtan Nazarbajeŭ.
Cikava, što Łukašenka atrymaŭ ad Rasii tuju ž uznaharodu, što i Muraŭjoŭ-Viešalnik. Hetaja ŭznaharoda maje hłyboki simvaličny źmiest: Rasija ŭznaharodžvała joj samych viernych i karysnych słužak, jakija adznačylisia ŭ spravie ŭciahnieńnia Biełarusi ŭ arbitu impieryi. Mahnaty, biskupy i karniki — pahladzieli, chto jašče ŭ historyi Biełarusi atrymlivaŭ hety orden i za jakija zasłuhi pierad Rasijaj.
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu19
Kamientary