U Vilni zdajuć kvateru płoščaj usiaho 11 m². Voś jak heta vyhladaje
Heta mikrakvatera moža vyklikać prystup kłaŭstrafobii.
Na litoŭskim sajcie aruodas.lt zdajecca ŭ arendu mikražyllo ŭ Vilni. Kvatera płoščaj 11 m² mieścicca na trecim paviersie 5-paviarchovaha doma 1985 hoda pabudovy. Pry hetym sam dom znachodzicca davoli daloka ad centra, u nie samym prestyžnym rajonie Vilni — Naŭjaninkaj.
Prychožaja, dušavaja, tualet, spalnaja zona i zona dla hatavańnia znachodziacca ŭ adnym pamiaškańni.
Tualetnaja zona ad astatniaj častki kvatery adździalajecca tolki štorkaj.
Tym nie mienš, u kvatery jość usio nieabchodnaje dla pražyvańnia, u tym liku pralnaja mašyna, šafa, vyciažka, mikrachvaloŭka i pieranosnaja elektraplita na adnu kanforku. Pamier łožka — 200ch90 sm.
Cana arendy — 245 jeŭra ŭ miesiac (kala 870 rubloŭ). Kamunalnyja pasłuhi treba budzie apłačvać asobna. Z ulikam pamieru pamiaškańnia heta musić być niekalki dziasiatkaŭ jeŭra navat u zimovy pieryjad. Možna mierkavać, što miesiac pražyvańnia ŭ takim pamiaškańni budzie abychodzicca ŭ siarednim u sumu da 300 jeŭra (kala 1000 rubloŭ).
Taksama treba pakinuć depazit u pamiery 200 jeŭra (kala 700 rubloŭ).
Arendadaŭca adznačaje, što arandatar budzie pieršym, chto zasialicca siudy paśla kapitalnaha ramontu.
Heta, darečy, nie pieršy vypadak, kali ŭ susiednich jeŭrapiejskich stalicach zdajuć padobnyja mikrakvatery. Naprykład, u Varšavie zdavali ŭ arendu jašče mienšuju kvateru (9m²).
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1515
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata15
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary