Vyjšaŭ na volu pa pamiłavańni 74-hadovy palitviazień Barys Kučynski
Pra vychad na volu pa pamiłavańni z Babrujskaj kałonii №2 74-hadovaha palitviaźnia sa Słonima Barysa Kučynskaha paviedamlaje «Miedyjazona», abapirajučysia na śviedčańni znajomych ź siamjoj palitviaźnia. Na volu pa pamiłavańni mužčyna vyjšaŭ 20 žniŭnia, ale viadoma pra heta stała tolki ciapier.
10 listapada 2022 hoda ŭ sudzie Słonimskaha rajona Kučynskaha asudzili na try hady chatniaj chimii za abrazu pradstaŭnika ŭłady (artykuł 369 KK) i niezakonnyja dziejańni ź piersanalnymi źviestkami (artykuł 203-1 KK). Pryčynaj dla abvinavačvańnia staŭ łajk u «Adnakłaśnikach» pad pastom pra ŭčastkovaha inśpiektara milicyi AUS Vaŭkavyska Viktara Łutčanku ŭ pabliku «Hrodzienskaja vobłaść. Pieramieny».
Akramia taho, Kučynski pavinien vypłacić štraf pamieram u 4 800 rubloŭ, a taksama pakryć paciarpiełamu milicyjantu Łutčanku maralnyja pakuty ŭ pamiery 5 000 biełaruskich rubloŭ.
Dziaržabvinavačańnie tady zapytvała dla piensijaniera pazbaŭleńnie voli terminam na 2 hady. Paśla suda prakuratura padała apielacyjnuju skarhu na prysud, i ŭ vyniku ŭ studzieni 2023 hoda Hrodzienski abłasny sud jaho zadavoliŭ i prysudziŭ Kučynskamu dva hady pazbaŭleńnia voli ŭ kałonii va ŭmovach ahulnaha režymu.
Kamientary