Viadučaja Bi-bi-si vypadkova adpraviła pytańni Borysu Džonsanu pierad intervju. Intervju pryjšłosia admianić
Łora Kiunśbierh admianiła daŭno anansavanaje intervju z byłym premjer-ministram Brytanii, paśla taho jak jana vypadkova adpraviła jamu kanśpiekt pytańniaŭ. Intervju pavinna było vyjści ŭ efir viečaram u čaćvier, paviedamlaje Bi-bi-si.
Viadučyja prahramy zvyčajna pracujuć z kamandaj pradziusaraŭ, jakija ŭ dadzienym vypadku padrychtavali dla Kiunśbierh bijahrafičnuju daviedku ab Džonsanie i prapanovy patencyjnych pytańniaŭ da jaho.
Palitykaŭ z hetymi pytańniami, jak praviła, da intervju nie znajomiać, i ŭ dadzienym vypadku heta nie płanavałasia, ale viadučaja pamyłkova adpraviła dakumient Džonsanu zamiest svaich kalehaŭ.
Pozna ŭviečary ŭ sieradu jana napisała ŭ sietcy X, što intervju daviadziecca admianić.
Łora Kiunśbierh pryznała, što «skanfužanaja i rasčaravanaja», ale dadała: «Choć i davodzicca čyrvanieć, ale sumlennaść — najlepšaja palityka».
Pradstaŭnik Bi-Bi-Si taksama zajaviŭ, što admiena intervju ŭ abstavinach, jakija skłalisia, stała «najlepšym vychadam».
Łora Kiunśbierh — adna z hałoŭnych palityčnych karespandentaŭ Bi-bi-si i pastajannaja viadučaja štotydniovaj analityčnaj prahramy, jakaja vychodzić u efir u niadzielu ranicaj, dzie časta vystupajuć viadučyja brytanskija palityki i niaredka zamiežnyja znakamitaści.
Pryhody brytancaŭ u Biełarusi: sprečnyja pradmiety pakinuli ŭ kamiery zachoŭvańnia za miažoj, bajalisia pytańniaŭ pra Borysa Džonsana
U Brytanii navat raspracavali płan nakont śmierci kata Łary — hałoŭnaha myšałova brytanskich premjeraŭ
Borys Džonsan raskazaŭ, u čym źmiest mirnaha płana Donalda Trampa pa Ukrainie
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ17
Kamientary